كلم بنيات الجرف وكل البنيات من طرف تتبري من بحرا غدر
اتغاب ما راع الولف صاد الاخيتين بغدر
ليك حق يعافيك الحراز واليصطفيك طرفي وعُشر
يامتوك الناس العزاز نابع قليبك من حجر
ما بتنفع انت بلا الخريف الصاقعي والريح وامطر
تنزف نزيف ما يحوش قيف لا من يقولوا عليك خطر
ما ظن نخيلك هز فوق سيرت عريس نازل البحر
ما طالة موجك ما بيضوق لا يضوق الناس غير كدر
عودنلو قشكن النشف يدغي ورويسات السعف
مكسور خويطره في قحف
ترغي وتسف ملح الأسف
عودنلو والسنبر برق جنحاتو بالأشواق سحر
قاصد جريف ود شيخ يخف لي مويته من دون البحر
والليلة زي غيما رعف حين طال علي ريح السفر
يا حليلو زينا ما عرف جوز القمريتين طفر
يا دنيا يانا ربات كتف ا
رغم الفجائع لا رجف
لا قال عوارضي أبت تخف
في بألو كم تاريخ سلف
لوكأن يشيل في الموت زرف دمعات أسى وحرقه أسف
آو بالعلي الحال يعترف كان عن رسول الله وقف
كلم بنيات الجرف وكل المكاليم من طرف
هي الدنيا كلها كم حرف لمن يطول فيها الأسف
هي الدنيا كلها كم حرف لمن يطول فيها الأسف
عبدالله التيت
03-04-2013, 09:20 PM
سـوقـنى مـعـاك يـا حـمـام
محمد الحسن سالم حُميد
غناء محمد النصرى
سـوقـنى مـعـاك يـا حـمـام سوقني محل ما الحبيبة
قـريـبـة تـراعـي الـغـرام غـريـبـة الأشـواق حبيبة
يــــــــجــــــــــيــــــــبـا مـــــــنـــــــــــام فـي منام
سـوقـني مـحـل مـا الـمـحـنـة وأيـادي تقطـر سلام
سـمـاحـة الـحـيـاة فـوق أهـلـنا وبلادي تقرقر وئام
غلابه وأمان مو الطيابة ضكارى بصارى وكرام
حـبـابـه الـحـبـان في بـابـه وتـدخـلـوا عليّ الحرام
فــقــارى ولــكــن غـــنـايـا غــــنـايـا بـهــذا الغمام
بـهـذا الـنـيـل كـم تـغــايـا وتـيــرابـا نـرمـيـهـو قام
إرادة الـقـمـره الـبـتـقـدر بـراهـا تـضــوي الضلام
شــعــاع شــمــشـاً يـامـا خـدّر وإذا يـبــَّس لا يـُلام
فــيـابـا خـرابـا الـحـرابة وخرابة فكر سـوسي سام
خــرابـة الـكـل نـفـسـو تـأبـى عـقـابـه تـلِم عم سام
ولـِيـد مـخـلـوق لـلـقـرايـة خـزيـن مدخـور للجِسام
تـتـمــر نـيــتـو الــتــخــــايـة إلامــا مـذهـــلـل إلام
درب مـن دم مـاب يـودي حرِب سُبّه حرب حرام
تـشـيـل وتـشـيـل مـابِ تـدِّي عُـقـب آخــرتا إنهزام
بطـانـة الـشـيـطان قـديمِة وبعد دا منو العرشو دام
إذا الإنسان ما ليهُ قيمِة عـلي إيش خلَّفُو سام وحام
تـعـالـوا الـدم مـا هـو مــويـةِ ولا ها ترايي المسام
أخـــــــــويـــا وطــــــــراوة الـــخــــــــــوة إبتسام
تـعــالــوا نـحـانـن بـعـضـنـا نخـل قلبو على التُمام
نـبـضـنـا يـشـهـل أرضـنـا وأرضــنـا تجِم العضام
تـعـالـوا بـدل نـبـنـي ســاتـرنـخــيــب ظـن الصدام
نـطّـَيــب لـلــعــازه خــاطــرنــقــوم لأطـفـالـه سام
أخــيــر كــرّاكــةً بـتـفــتـح حـفـيـر وتـراقـد الركام
أم الــدبــابــة الـبـتـكـشـح شـخــيـر الـمـوت الزؤام
تـعـال لي غـابـتـك يا خيرا تعال لها يا أسده الهمام
بـدل دوشـكـة يـغـنـي طـيـره مـحل قنبلة عش نعام
بـلـد صـمـَّي وشـعـب واحـد عـصـية على الإنقسام
أبـيـه وبـكـراهــا واعــد صـبـيـة ومــشــهــــاده تام
بـسـاط أحـمـدي كـم يـشـيلـنـا وتـشـهِّلنا على الدوام
نـَقـِل لـيـلـنـا تـقـوِّي حـيـلـنـا ودلـيــلـنـا تـمـام التمام
نـلـقــّم ســقـف الـمـتـاهـة نـجـم هــدّاي فـي الضلام
ونـطـعــِّم حـرف الـــنـــزاهـة لإيـئــلافــك يـا حمام
ديــمــقـراطــيـة وأمــان ســـوا .. سـوا عـالـين مقام
مـواريــثــنـا الـمـن زمان مـحـصـَّنـة في أروع نظام
بـــريــدك يــا زول بــريــدك بـعـشـقـك حـتّـى الهيام
أريـحـــيـــتـك عــد تــزيــدك مـهـابـة ولـيـك الـقـيـام
عــهــدي مـعـاك يـا حـمـام حـبـِيـْب الـرُسـل الـكـرام
رسـول الأمـراء الـعـظـام عـصـامـي عـلـى مـا يرام
مـاب تـهـدِل في خــنـادق ولا ب تـقـدِل فــوق حطام
ولا ب تـنـزل في فــنـادق وسـطـنـا مـراعــيــك قُدام
فــيـا مـلــدوغ مـن أديــس مـعــــــــوَّق فـي كـوكـدام
تــعــال عــمـِّر فــيــنـا مـيـس كـفـانــا طشـيش الكلام
جـنـاحـيـك جــنــوب شـمـال وأمـش طــوِّف يـا حمام
مـحـِل غـصـن الـعـزّة مـال عـلـيـك وعـلـيـهُو السلام
حـكــيــم الـطـيـر يـا مـهـبـِّر شُـراكـة الـقـَتـَلـة الـلـئـام
مـتـيـن بـإسـم الـحـق تـكـبـِّر وبـالـرحـمـة تصلِّي إمام
فــلاحـة الــعــالــم تــعـــمــر مـحـبـّــة مــــودة ووئام
تــــــشــــــمّــــــــِر ســـــــــــــــاعـــــــد الـــســـــلام
ســوقـنـي زمـن كـُلـُّو عـافـي نـتـاجـو عِلم خيرو عام
بـري آيـمـة مـن الـمـنـافـي وطــن وافـي علـى الدوام
عبدالله التيت
03-04-2013, 09:26 PM
صبريـه
كلمات الشاعر : خالد شقوري
غناء الفنان محمد النصري

طفت اطراف الفيافي شلت صبحي وليلـي حافـي
مانسيت ارد القوافـي زي طعـم صبريـه مافـي
زي عشم صبريه مافي زي نغـم صبريـه مافـي
شافعي من عربان بلدنـا منهـا وفيهـا الوداعـه
شتله في قيـزان بلدنـا قايمـي بايـده وضراعـه
القديم اللافه طرقي زاهـي فـي روعـة طباعـه
البسيمات في وجيها الباهي من زمـن الرضاعـه
فاقعي زي شمس العصاري في العمر باقي له ساعه
في القليب الشايله صافي زي صفا صبريـه مافـي
في الهجير راحت تدقق فـي النهارالحـار تـورق
للهدوم بــالــلــيــل تـــلـــتـــق
في الجرف زارعه له حوض راجي قبل الحين يبتق
والبسالمه من بلدنـا هـي تقولـو انـشالله عافـي
زي كلام صبريه مافي وزي سلام صبريـه مافـي
في كريقة خاله احمـد شايلـه ليلـه وايـده تنبـح
شوكي لاقته في دريبه لما كـان بالمعـز تسـرح
نامـت المسكينـي تقنـت والفوينيـس زادو روح
باقي تمتمه في خشيمه تسـال الله المسـره تنجـح
ماله مال المسره إلا شان حبيـب روحـه يفـرح
دي البنيه الريده وافي زي غـرام صبريـه مافـي
زي شعور صبريه مافي زي غرام صبريه مافـي
رادت النـاس السمـر رادت الصـفـا والعـكـر
رادت المـوج الهـدر ردات الحـلـه وبيـوتـه
في عيون صبريـه طلـت ريـدة الخـلا للبحـر
نافري من قيلة الكرارق وخايفي من قولـة السفـر
والرحيل السرو خافي فـي قلـب صبريـه مافـي
في زمن صبريه مافي وفي خيال صبريـه مافـي
والنهـايـه الـمـن فـصـول سـيـرة البنـيـه
لمـا عـادت للبيـوت الكانـو قبـل المغربـيـه
مالقـت غيـر الزوامـل شايلـه احـلام الصبيـه
شايلي عيدان الكرراق فـي الصباحـات والعشيـه
ضاربي بطن الوادي زفه لمـت النـاس والسعيـه
والمطيره الضاربي قبلي لاقـت الدمعـه العصيـه
والرحيل عـز البـوداي الرحيـل وجـع البنيـه
زي رحيل صبريه مافي ِ زي سفر صبريه مافـي
زي حــلـــم صـبــريــه مــافـــي
عبدالله التيت
03-04-2013, 09:48 PM
حبي انا ليك كان زادي
كلمات علاء الدين ابو سرير
غناء عبدالرحيم ارقي

حبي انا ليك كان زادي كان جوه الحنايا دفين
كتن بضاري من الناس وخايفه عليهو من العين
عليهو انا كنت بصوم وافطر عليهو بكابد النارين
وكنت بحسب سنين الغربه ولما تعود تجيني متين
وكنت برجاك فوق النار لما وكت لقانا احين
نونس في براءة اطفال وفي الحب نروي ننهل زين
وكل مايوم ازيد البينا لما بقينا قاب قوسين
اتاري انا كنت فيك مخدوعه وكم من زيي مخدوعين
وما قايلاك تلعب بي تعيش اللحظه بس والحين
وماقايلاك حبيب الاف وقلبك قبله للضالين
وماقايلاك تنسي حبيب صبر راجيك سته سنين
كيفن هان عليك تنساهو زولا كان عليك حنين
تشغل بالك الاشواك لمن تزبل الياسمين
وكنت دايراك بسمه عريضه في وش الزمان الشين
وكنت دايراك وكت الحاره تبقي لي دخر خزين
وكنت دايراك مقنع حوبه وكتين المضاره ابين
وكنت دايراك فارس احلام تشاركني ونتم الدين
وكنت دايراك شريك الروح اخدمك حافية القدمين
وكنت بحلمبك انت معاي مجرتك بالعديل والزين
وجنبك في شمالك قاعده تسمع في دقر ياعين
تبشر زين مع الاصحاب وتتشبل من الوزين
وانا الابحرت راكبه الموج اكيد مرساي بين موجتين
وداعا ياسراب خداع محال مابيروي عطشانين
وداعا ياحلم عابر يسعد ويفرح النايمين
وداعا ياكلام معسول حدو ومكمنو الشفتين
وداعا ياسحابة صيف شايله مطر بليله رهين
تبشر بي مطر جايينا وياما الناس رجوهو سنين
وكل زولا يفكر فيها ومامعروفه تنزل وين
والف سلام عليك ياقلبي المسالم وديمه طبعو حنين
يتاورو الشوق ويلعب بيهو تنحر في حشا السكين
تعاودو الزكري تنتر جواه وحالو احنن المسكين
اخيرا ليك الف سلام قبل ماتجف دموع العين
وقبال مني ماتعدي وقبال الفراق مايحين
بخيت وسعيد عليك انشالله ويبقالك عمار وبنين
وقلبي انا خلي في اناتو بعدك ياما راجي انين
ولو كان ياقلب حبيت بعدو وبعد قسمت يمين
ان شاء لله ماينتم ليك مراد وماتضوق لا حلو لازين
وعمرك ماتجيك سعاده وما تتهني قول امين
وتاني الحب عليك حرمان وعد الحر امانه ودين
عبدالله التيت
03-04-2013, 09:53 PM
عم الزين
كلمات الفاتح ابراهيم
غناء جعفر السقيد
يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطتك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير
===========
كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلائل
==========
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار
===========
لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح
===========
عتدي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف
===========
حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين
===========
عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق
هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام
===========
بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك
عبدالله التيت
03-04-2013, 10:02 PM
لا شوفة تبل الشوق
كلمات محمد سعيد دفع الله
غناء الراحل النعام ادم

لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين

قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن

بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن

ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن

بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن

قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن

قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن

وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن
محمد عبد المطلب محمد
03-04-2013, 11:57 PM
لايك جدا جدا
عبدالله التيت
04-04-2013, 10:25 PM
لايك جدا جدا
تسلم يامحمد
شكراً على المرور
عبدالله التيت
04-04-2013, 10:27 PM
القلب الجريح
كلمات محمد سعيد دفع الله
غناء النعام ادم

القلب الجريح الديمه ينزف فى دماهو
اشرح لى بس ورينى ايه ذنبو الجناهو
حافظ لى زمان العشره ذاكر ما نساهو
وكيف تنساهو انت يا روحو ليه بتزيد شقاهو
كلما ا شرق صباح يا روحى قلبى يزيد عناهو
وانت القاسى ما راعيت كفاهو عذاب كفاهو
مره اطراهو انت طبيبو فيك يكمن شفاهو
ومن غيرك محال ينصح يطيب ويجد دواهو
ده الزول القبيل حباك فى جهلو وصباهو
ليه خليتو عاش وحدانى كيف اختر سواهو
بانى عليك حياتو قبيل و فاكرك كت معاهو
حرام تنساهو والله حرام تهد ماضى البناهو
اساهر الليل ويشهد لى نجمو الفى سماهو
وانوح حدى الصباح عينى النوم ماب تراهو
باكى الماضى ديمه بنوح حكيت فاقد جناهو
وين زولى الوسيم دلونى عيشتى جحيم بلاهو
حليلو ويا حليل الماضى فى ودو وصفاهو
وطريت برقو البشيل عبادى من تبسم سناهو
وفرعو البان رشيق يتنى مال هتف نداهو
وضميرو الزى جدى الغزلان بعيد ضارب خلاهو
ضلام الليل سبيبو سوادو مسدول فوق قفاهو
مهما طال عذابى انا برضى دايما فى رجاهو
عبدالله التيت
05-04-2013, 09:06 PM
بلاد الشوق
كلمات خالد الباشا
غناء محمد النصرى

مشيت بعدك بلاد الشوق

غشيت في سكتي الأطلال

لقيتك لسة في الخاطر ..

وفي مرقة شمس باكر ..

ملان بيك طول حياتنا جمال

********************
رسومات روعتك تذكار ..

علي ابواب بيوت الحي

محل تاوق .. لقيتك شوق ..

مشتت في الشوارع ضي

اماسينا البتسهر بيك ..

نجيماتنا البتشهد لي

وراك لاجفن الدمعات ..

ولا اتلاقن رموش عيني

اونس بيك نصايص الليل ..

احجيك دندنة وموال

*************************
سألت عليك براي النيل ..

تميراتنا وعصيفير الهوى الصداح

لقيتك في عيون الناس ..

حنين ساكن القلوب مرتاح

بتطلع من حكاياتنا .. وخيالاتنا ..

بعيد شايفك رهاب رحراح

انادي عليك شموس تمرق من الواطه ..

قلوب بيضا .. شعاع وصباح

يبق نورك مع الفجاج ..

علي النخل العزيز وطوال

***********************
اتاريك إنت كلنا بيك ..

بلاك نحن وبيوتنا شجن

تموت سيرة الفرح نبكيك ..

نتوه مانلقى لينا وطن

جناينا وضرانا الفوق ..

قمارينا وحسيس القوق
..
رحل كل البلد وياك ..

نزل جواك .. حنين وسكن

وأنا ( الكاتلني ) من يومداك ..

علي عينيك عيوني بكن

ا قالد ذكرتك جواي ..

وأعيش باقي العمر رحال

**********************

سلامات وين نزل محياك … تحياتنا وأمانينا

اكيد باكر نجي ونلقاك … قمر باهر أماسينا

تبل شوق القلوب ترتاح .. علي نمك غناوينا

(لدايات) شايك الرماي ..

مزاجات قهوتك جواي ..

ا حاسيس فيني تتحكر .. جمال نيلنا وعصارينا

نضاريك في العيون تظهر .. بريق لهفة ودمع هطال
عبدالله التيت
05-04-2013, 09:22 PM
لا تنجـــع
كلمات خالد شقورى
غناء ودالنصرى

الشائل شمسك فى جواك ..خليها تبين للناس تطلع
يا النازع فرحة وآلده هناك غير حسها …هاتت مابتسمع
يالاناسى اللبقة المفتوحة …هى بلاك طورتك مابتقرع
المنجل فى راس التمرة …ناسيهو وامك مابتطلع
الكدِكه وقعت والحملان ..فى اللوبى بقت تجرى وترتع
والزير الفى بيت الضيفان …حرمان لانَزّ ولا نَقّع

*********
ياالسبّته عقابك روحتّه …وحياة عز بلدك لاتنجّع
الشتلة تقولك …لاتنجعّ
الرملة تقولك …لاتنجعّ
الواطة تقولك …لاتنجعّ
الحوض الما رفّعته سرابو …يهاتى يقولك لاتنجعَ
الحبل الماتميت مُسيرو …يهاتى يقولك …لاتنجعّ
والنيل الفى واطاتنا ترع …يقولك ازرع …لاتنجعّ
********
ماك فاكر يوم داير ترحل …وابوك الحاج شايلوُ عصا
لاحيلو وقف طقش الابريق …اندفق سال فوق المصلاة
قام بارا الحيطة واتوكل…. يقوم فد مرّة ومية يقع
يقولك تعال آمبروك …ارجع
***********
ارجع ارجع يازول ارجع …غير ارضك عاد مابتلقى بطاح
شن داير فى بلداً والناس مافيها نحاس ومافيها صباح
الليّل الويل مليان …اتراح
بياع بيقول تفاح تفاح …زى البيقول اراح افراح

**************
مجلوبه الفرحه ومفروشه …من ضحك الناس دايرين ارباح
لوكان فى ايديهم ملك الكون …كان لمو عبير الزمن الفاح
كان علمو نفس الزول العاش …فى صدر الليل داير يرتاح
كان حجزو الغيم فى واطاتهم ..كان يامسكين باعو الاروآح
************
وين تلقى الفرحه وتتهنى …فى دارنً ضيقِ ومافى برآح
جنب ناساً من عين العطشان …تختف ومضات البرق اللاّح
************

سائب اهلك ونخلك راحل …قول لى وين ماشى وين ياصاح؟
الشمسِ النايرى آبت تطلع …النيل آزول اصبح رحراح
الضل قصّر ماغطى رويس ولداً ساكى…. عرق الكدّاح
الواطة أبت تديك الخير …ولا انت عليك ماهبى رياح***********
قول وين ماشى وليه ماشى …وليه سائب بلد الصـُلاّح
النسمه أن جاتك بجيك….. مليانه عبير عند البياــح
المويه ان داير تلقاها …نقّاع واطيب من الـــراّح
وان درت نغيم الموج تلقىّ …وان درت كمان الطير صدّاح
***********
ارجّع ارجّع يازول ارجّع …
الضحكه هناك من جوه الجوف ….الفرحه هناك مافيها الخوف
الشقى ارحم فى ضل النيّم …وبعيد من ناسً واقفه صــفــوف
جنب ناس حبّان تلقى المكسور …مشيول فى كتاف واحد مكفـوف
الجّن الاحمر فاقد القيد …فى خلوة حاج الخير …مكتـــــوف
ودكان الشيخ فوق الواطّة …كيمان كيمان مافيهو رفــــوف
عبدالله التيت
06-04-2013, 02:18 PM
فــراق قلبيـن
كلمات ياسر علي بشير
غناء محمد النصرى

بعد اتفرقو القلبين واتيتم غرام وحنين
زمان كان الدريب واحد .. حلينا بقينا فى دربين

قبيل كشح الوصال ماروق ورا الشيل التقيل وقع
غدرما شهد المسيوق ولا الفطن التراب لسع
يا حليلك يا زمان الشوق ويا اروع حلم ودع

حرام ما الريده بينا سنين ومن دابنا الصغار شفع
وكت اتصفح الايام .. بخصم قلبى لا يدمع
واقولو اصلو الزمان دوار والراح تانى وين يرجع

رحل ماخلى غير تزكار مكتوب بى السواد صفحة

ضميرك خدروهو الناس بعد فوت الاوان يصحى

وانت حاتل فى بطون الصى يجيك محل الندم نفحه

تقبل وين يتاورك ماضى مهما خنتوا ما بتمحى

حليلنا بقينا فى دربين وخلينا الحنين مذهول

احتار كيف يدارى البين ونمرق من مصير مجهول

لكن يا حنين الحاجى فى دابنا الدريب بيطول

ولا تضهب وحاتك البينا .. نحن البينا مات مقتول

خلاص اصبحنا فى دربين ويقن حادى الدريب يوم فات

بعد ضاق المراير كيف يتلمو اللي صارو شتات

سعادتك لو تمن للفرقه .. بدفع عمرى لى الشمات

وليك اتمارى وين ما تبقى ياظالم حقيق ما مات
عبدالله التيت
24-04-2013, 11:38 PM
رسائل ست الدار بت احمد جابر
للزين ودحامد
محمد الحسن حسن سالم (حميد )
( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن
شن خلولنا بلا حجار
الله يصرف الخواجات
بينات جعفر والمحجوب
والمحجوب والخواجات
طقت حجي .. العمدة طفاها
باقي الناس الجات للفرجي
قنبو قيلو شبعو لحوم ..
والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار
والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين
وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين
كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات
والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك
وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان
أي عوج مبدي ومختوم
صوتنا هناك وهنا مكتوم
ومافي فرق في الوقت الراهن
بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني
يا اخيتي ومرتي وامي وأم الكل
أنا بندهلك من شارع الله
فوقي هجير والتحتي بقل
سبي معايا الشردو راجلك
والحرمونا شوية الضل
سبي الحالة العالة علينا
حتى احكيلك بالتفصيل
حاصل الحاصل يا بت أحمد
جاني وفد في المصنع زاير
وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا .
سيرو موكب صامد وصامت
إتضامنا معاهم سرنا
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة
والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع
مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي
وكل وجوه الراسمالية
وأشرف من …………..
داك الحين المصنع هاج
جات عربات اللات بوليس
فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار
ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات
مرتاً دغري وغلباوية
آه يا الزين .. لو كنت معاكم
كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد
كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو
فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك
أو في الثانوي لقيت لك خانة
لكن قدرك يا إنسان ..
بلداً هاص هيصة جبانة
طالو الناس التريانين
ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد
عبدالله التيت
01-05-2013, 11:59 PM
المشاعر فوق كل شى
كلمات حاتم حسن الدابى
غناء عبدالقيوم الشريفى

المشاعر فوق كل شى للغرور أوعه تطاوعا
شوفا ياياسر واقنعه
أرضى بالقسمة إن مارضيت بالقصب ياكا الدارعه
مابتفوت المكتوبة ليك ليها إستسلم طاوعه
أنت دون الناس يا امير قدوة ذو اخلاق واسعة
أسطوانة التعليم بقت إفتراء وبهتان وإدعه
زهرة إخترتها بين زهور فرهدت نايرة مزارعة
شافت المستقبل جميل خلها الترضى مطامعه
ياحنين تصبح مثال ضمن أمثالنا الرائعة
ذى شدرة المحلب هوت وعطرت فاس القاطعة
مابتموت الريدة إن بقت من صميم وجدان نابعة
لابيغيرا حقد الحسود لا الزمن يسلبا طابعه
ياما ناس اشباه البشر فى الوجوه ناايرى مطالعه
تبهر البيشوفا وتكون فى قلوبا ذئاب جايعه
الخلق والدين وكل شى فى الزمن ده بقت شايعه
يعنى إيه الواحدى إن قرت وكملت عشرين جامعه
قيس ورى ليلتو هام سرح ودرت عقلو مراتعه
بالسهل والوديان يدوح لما مات سكران ماوعه
عبله بى ريد عنتر زمان ليل نهار سايلى مدامعه
فارق الحياة ظمئآن وصب ماقدر حتى يوادعه
مابتشوف ود عبد الحميد روحو للمحبوب دافعه
مرقو ذى شعره من العجين للكريم شكوتو رافعه
قولى ياتو الما حطمو وهدمت أملو اليانعه
وكان عقابو الذكر الحكيم ونصو فى آخر الواقعه
عبدالله التيت
07-06-2013, 05:39 PM
سؤال
كلمات صلاح محمد عبد الرحمن محمد
غناء محمد النصري

أسع ياتو فيهم يا خلق الله عاد

أو عاد يات مصير لى وللولاد

تبدا أمونة رحلة ما كان فى الحساب

باراها الزمن شبعا فى العذاب

من يوم سافر أحمد قاصد للجنوب

باكى أمونة فرقة هزت للقلوب

زوجها أبو الولاد الخاتى العيوب

مفقود من سنة وأعلنوا للحداد

وتمر السنة بى فوق السنة

تمو أربع سنين مرت محزنة

فكرو فى الكفيل وبيناتن جنا

ومحل الأبو بقة عم الولاد

عقدولو الأهل سلو المتبع

من مرت الأخو الفات مارجع

تنداس المشاعر أو قول اقتنع

لازم الناس تضحى شان لبنى وعماد

ويتم العقد بينات الدموع

لا فرحا كتير لا ضوّت شموع

عجلات الزمن ما بتقبل رجوع

ومابتمشى الحياة زى ما الزول أراد

سنتين بالكتير كان جابو الولد

والحزن القبيل جواهم برد

سمو على الفقيد الراجل الصمد

شان حفظ الإسم وتأكيد للوداد

وما كان فى الحساب الزمن العنيد

ينسج فى الخيوط من زمناً بعيد

فى يوماً عصيب وما فى البال أكيد

من أول جديد اتكال الرماد

فى لحظة سكون عمّاها الديار

حس الباب نقر قايلة أمونة جار

تاريهو الفقيد كان فى الإنتظار

مفقود الجنوب يرجع تانى صاد

كان صدمة قاسية فوق الإحتمال

خلتا بين جحيم واقع أم خيال

إختلّ العقل وكان آخر سؤال

أسع ياتو فيهم يا خلق الله عاد

أو عاد يات مصير لىّ وللولاد
عبدالله التيت
29-06-2013, 01:07 PM
ضل السحابة
الشاعر محمد عثمان ابو شعب
لحن محمد النصري

لو قدرتي يوم سافرتي شوقي
وحنيني جريتو بالليل فوق ربابة
تسافري ونحن مشتاقين نشوفك
ترجع كيف خطاك ما جاتنا دابا
وحاتك انت يا املي المنور
منك جاتني في قلبي الاصابة
واقف راجي فوق القيف رجوعك
تايه امشي وانشد في الجلابة
أراقب طيفك الفجراوي لو زار
اشابي عليهو يا ما قلبي شا با
لكن بس عزاي انا ماني اول
ولا آخر موجع الصبابة
فراقك يا أم ضمير نكد حياتي
وزرع في قلبي أشواك الكآبة
أسيبك كيف وكيف تنساكي روحي
وعيونك في القلب غرزت نشابا
وكل ما قت اعبر عن غرامي
أنا الفارس بحس منك مهابة
ولو فكرت ارجع ماني قادر
بدونك نحن ما طاشين ضهابه
مشتاق ليك جمر الشوق كواني
تهاتي الروح مؤبدة في عزابا
أسيبك كيف وانا الشايف عيونك
بحور دفقت مويتي علي سرابا
ترحلي مني زي ضل السحابة
عبدالله التيت
04-07-2013, 10:17 PM
أمـــاني
كلمات الشاعر : محمد سفلــة
غنــاء الفنــــان : محمد النصري

زي لون الفـــرح زي نسمـة زي طعم السعادة أماني
من عينيهـــا أول نظـــــرة ذوبت العنـــاد في كيـاني
:5dw5l-com_13:
أحلـي من الأمــــل والله أحلي من الربيــــع وأزهارو
لا محــدود ولا متنــاهي نــــوراً فينــي أشعـــل نارو
دون إحســاس وقفت أماما دقيت لي هـواي أوتارو
غنيت في جمـــالا أغاني من وحـي الغرام وأشعارو
:5dw5l-com_22:
ارتـديت بعـــــــد ما تبت من قولــة بريــــد وبعـــاني
حتي شقايا يـــــــوم ودعتــوعــارف إنو راجـع تاني
عــــارف انـو في أيــــامي أقـــــدار بالعذاب راجاني
وأشـــواق مابتخف تضــــارى بي آلامــــــا تتحداني
:5dw5l-com_13:
سلمـت ورضيت بالقسـمة بي لهفـة فــؤادي وحـالو
بي أحلام عيوني الساهرة بي طيف الحبيب وجمالو
عــارف ما بقــاوم حسـنو يأسرني الجمال في دلالو
تأســـرني النــداوة الفيهــو والرقــة وبشـاشة إقبالو
:5dw5l-com_22:
خــايف من ظروفي تعيدني لي أسف العواطف تاني
وأرحـل في دروب ودارة وأغــرق في بحـر أحزاني
اتنـاســـيت زمـــان المُـــرة حتى زمانـــــا اتناساني
كيف أنسي الملكني هواهو كيف تنسي الأماني أماني
:5dw5l-com_13:
يا كعبـة طـواف إحساسي يا مرسـي الجمال ومدارو
جيتك والأمـــل سايقني لي ورد الخـــدود ونضـدارو
افتحي ليا باب في الجنة بي همســة هواك وأسرارو
واسقيني الفــرح واستني اعرفــي قلبي أيـه اخبارو
:5dw5l-com_22:
في عينيك تبين الروعــة وأروع ما حــواهو زماني
تتوهج تشــع زى فكـــرة زي شمس الصباح الداني
افتحـي ليــــا فيهـا مكانة خليهـــا التكــــون عنواني
مادام فيهــــا لي تتجلـــي قــــدرة ربي يــــــا إيماني
عبدالله التيت
05-07-2013, 09:12 PM
غيم الوداد
كلمات الشاعر : خالد شقوري
غنــاء الفنــــان : محمد النصري

نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
***
تعال يا العمرو ما غبا
تعال أنا وأنت في عينيك من عينيك نتخبا
تعال أشواقي ما قدرت تقاوم نسمك الهبا
كان جيتك تكون أروع زمن دابو الحرف تبا
زاهية الدنيا بالأفراح ولسة أساي ما تبا
وكنت دخرتلك غنوات عشان أحلامنا تتربا
كفاك طول الأمـل يا ليـل
أخير تديني باقي الحيــل
قبل يجرف هواي السـيل
وألم في العمــرو ما غبــا
معاك ببني المشاعر بيت
معاك بحلف بقـول غنيت
ولا بندم وأقول يــــاريت
ولا بالجــــــــاي بتنبـــــا
***
نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
***
وكان حبل العمر ساكن
بسيمة زولة تتحبا
عثمان بدرالدين الطيب
06-07-2013, 01:07 PM
جمييييييييييييييل ي عبدالله تسلم الانااااااامل
عبدالله التيت
07-07-2013, 01:30 PM
جمييييييييييييييل ي عبدالله تسلم الانااااااامل
تسلم من كل شر إن شاء الله
لك الشكر اخى عثمان
محمد جعفر
08-07-2013, 05:43 AM
بوست جميل جداً ، وتتساقط الرُطب و العجوة من كل جنباته .. :smail:

و يا سلاااااام على اغاني الشوايقة اهلي الكرام الحنينين ، وحقيقة تمتاز كلمات اغانيهم بفيض من الحنية و العاطفة المتدفقة المشاعر و الممزوجة بخضرة النيل وجريد النخيل والجناين ..

لك التحية يا عبد الله ووااااااصل بلا توقف ، واوعدك باني سوف انضم لركب المشاركين في هذا البوست الجميل في القريب ان شاء الله .. :smail:

:wrd:
عبدالله التيت
09-07-2013, 12:34 PM
لك التحية يا عبد الله ووااااااصل بلا توقف ، واوعدك باني سوف انضم لركب المشاركين في هذا البوست الجميل في القريب ان شاء الله
يديك العافية اخى محمد
عطرت البوست
لك الشكر
عبدالله التيت
09-07-2013, 12:37 PM
ناقش الاحساس
للشاعر عبدالله التاج
غناء ودالنصرى
يــا نـــاقـــش الا حـــســـــاس عـــلـي وتــــــر الندم

هــيـــج ســوالـف الــذكـريــات كـبــت منابع الاه دم

يــاراســم الـحـزن الـدفـيـن فـي ظـل تـجـاعــيـد الالم

اخـفـيـت معالم البسمه وين اديت ملامح الصوره هم

الـصـادي مـن حـس الخـايل الجاي بي واقعو اصتدم

مـا بـيـنـي مـا بـيـنـك مــدار قـدر سـنـيــن ترحالو كم

لـو انـت موصـوف با لضــياء دافر ظلام ليلي الهجم

انـا ذاتـي مـعـروف بالشمـوخ احساسي يلصف بالقيم

لاك دار تـلـوج مـن كـبريـاك تديني راس خيط العشم

ولا لي جناح انا شان اجيك خلقـوني من حظي السجم

يـا وحـي الـهـامي وغـنـاي احـيــت رفـاتي مـن العدم

مـا بـيـن جـدار قـلـبـي الـجـريـح متوهـط اهداب الكيم

اعــزرني لـو صـعب الوصال اعرفـني محكوم بالقدم

كـيـفـن بـجـيـك وانـا فـي البـيـوت لقيانا متـروك للقسم
عبدالله التيت
29-08-2013, 07:30 AM
باكرنا نيل

الشاعر الامين حبان

باكر نفتش فيهو رايح زي شليل..
باكر نتبن في الضلام..
كايسنو في الليل الطويل..
***
باكرنا يا رايح تعال
يا بكرة طال الإنتظار
بالرغم من إنك محال
نحن الجبال والإحتمال
***
نرجاك منتظرين ظهورك يا شحوح
قاعدين نفتش فيك زي مليم يروح
نلقاك في الروح الطموح
لا تلوي هاماتنا الجموح
***
يا ربي باكر في القمرولا باكر..
جوة في جوف السحابة مع المطر
يا طالع القمرة جيب لي معاك باكر
باكرا يصور لي لون الفيافي زهر
لون الهويد والصي زي الجروف اخدر
باكرا صباح الخير يطرد ليالي الشر
***
لكنو رغم مرارة الأيام والأمل الضئيل
في جوة احساسنا الجميل
باكرنا
يدفق سبيل
والجزاير تستعيد الخضرة واللون السمح
ويغازل العصفور سنيبلات القمح
والبرازات تاني ترجع والوجوه الطيبة تتضحك وتنطرح
باكرنا نيل..
وانا وانتو من قيساب نكيل
وهناك في ضو القمر شفع يكوركو لقو الشليل
عبدالله التيت
02-09-2013, 02:28 PM
بحر المودة
كلمات / السر عثمان الطيب
اداء / محمد جبارة

شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
محمد عبد المطلب محمد
02-09-2013, 03:09 PM
يا سلام عليك يا عبد الله
بوست مترع بالجمال
يديك العافية
عبدالله التيت
02-09-2013, 09:04 PM
يا سلام عليك يا عبد الله
بوست مترع بالجمال
يديك العافية
مرورك هو الاجمل
تسلم من كل شر
وإن شاء الله كل يومين تلاتة نواصل فى هذا البوست مع اهلنا الشوايقة
عبدالله التيت
03-09-2013, 02:12 PM
حوش الربيع

للشاعر محمد الحسن سالم حميد
غناء : محمد النصرى
يا مبيتانى الليل قوي
ورجياني أجيب ليك الشمس
طالقنى فيك عكس الهوي وسابقانى
بى فسراع .. وامش
نقرشتى قلبى عشان يكون
يوم مهرجان سعفك .. برش أنا ما انقدت
حب العيون لا من يحاجينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مرة
بلاقى وش
http://www.j.com/vb/imgcache/2/17253alsh3er.gif
بقبقتى بى ريح السراب
فانوس رؤاى والشوق عطش
وصقعالى بى داك السحاب بار البروق
وأوعاك تطش
ولا همسة يا بنية الغمام
الرش واديك مندهش
ليش لا قبض شت الغرام
طيروا فيك سوالو عش
نوبة المجاذيب اترخت
ودرويشي ينقز مندرش
وانا روحى تقابة بخت ليها الله
لى رب العرش
http://www.jableh.com/vb/imgcache/2/17253alsh3er.gif
فى الضلمة لسه بنات نعش
يابنية بارى العنقريب
ضارب العريجي مجرد غش
فى سكة الشوق الخبيب
إندهدهت راجى الهواء
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
http://www.jableh.com/vb/imgcache/2/17253alsh3er.gif
يا بنية ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
وكشر المطر
حوش الربيع الهمبريب
محمد جعفر
03-09-2013, 11:58 PM
ابداااااااع يا عبد الله .. وكلماتهم تلامس الدواخل بحق وحقيقة ..
وواصل من غير فواصل .. :oao12:
عبدالله التيت
12-09-2013, 09:15 PM
ابداااااااع يا عبد الله .. وكلماتهم تلامس الدواخل بحق وحقيقة ..
وواصل من غير فواصل .. :oao12:
منور ياحبيبنا خليك قريب:087:
عبدالله التيت
12-09-2013, 09:18 PM
الشاعر/ محمد المهدي حامد
غناء/ محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم
محمد جعفر
13-09-2013, 12:00 AM
أريدك

للشاعر العملاق/السر عثمان الطيب

كل ما تغيب عن عيوني
بتبقي قريب لـى فـؤادي
خلاص اصبح قطعه مني
بريدك انـا زى بـلادي
يمين جواي انـت خالـد
خلـود البركـل زيـادي
خلود النيل يجري دايماً
يجود بالخير في البـوادي
فراقك ماكنت دايرو
رضيـت بـي حكـم الارداي
بساهر وطيفك معايا
وبسـوي الاحـزان وسـادي
قليبي كمان سبتو امانه
أمانه معـاك فـي بعـادي
شقاوتي انا في غيبتي عنك
عذابي واوطول سهادي
اكون جنبك كل لحظة
قريـب لـو ينتـم مـرادي
احاول اقول مره اصبر
يكون حزني علـى بـادي
اخت ريدك بين ضلوعى
يكون لى في الغربه زادي
اشيل من ينبوع حنانك
اعود ألقى قليبـي صـادى
بريدك وشانـك بغنـي
تغنـي معـاي الشـوادي
يردد طنبـوري اسمـك
يرنبـو فـي كـل وادي
ارقص زهر الخمايل
يميل طربان جـاي وغـادي
الملم ناس بلدي ديلـك
يضـاروك مـن الأعـادي
يسوولك في الضريـري
يقولولـك فـال وعـادي
واقلدك انا يا الحنين وشـاح
مـن ريـدى وودادي
دحين لامن اعود واجيك
على نار الشـوق قعـادي
دوام صورتك في عيوني
ألاهي بذكـرك وانـادي
عبدالله التيت
16-09-2013, 11:05 PM
حبل الوصال
حاتم حسن الدابي
تاريـهـو ريــدك كــان كـلـو جــور ونـفـاق
كذابـه ضاحـكـه عـلـى يــا نـاكـره للميـثـاق
ويـــن جـــدول التـحـنـان الـكــان بيـرويـنـا
الضحكـة ليـك عـنـوان يــا حلـيـل عناويـنـا
بـدلـتــى كــــل الــكــان مــاتــت أمـانـيـنــا
كانت هى فى الأحضان اليوم على الأعناق

ضاعـت عهـود الـريـده لـيـه تبـقـى كـذابـه
حلـم العديـل والـزيـن اصـبـح حـكـم غـابـة
يــا زهــرة الياسمـيـن مــا عـدتـى خـلابــه
دهبـن لقيتـو لجـيـن الـحـق عـلـى الصـيـاغ

كان الضمير مرتاح من جـور بنـات حـواء
قـلـب الـهــوى الـنـبـاح لا حـــول لا قـــوة
سمكـرتـو و المفـتـاح ضيعـتـو فــى هـــوة
لا قلتـا لـزول ضـاع لا يــوم فتحـتـا بــلاغ

تـاريـهـو جـــرح مابـيـبـرى بـــى دكـتــور
كــل التـسـوى الـلـيـد يتحـمـلـوا المـجـبـور
جرحـاً صبـح تأبيـد جـوه القلـيـب مهـجـور
تلـت علـي القيـد زعزعنـى فــى الأعـمـاق

التوبه يـا قاسيـن لـى تانـي مـا فـى رجـوع
واشكى العلى لى مين والبوح حرام ممنوع
اخفيهو تانـى يبيـن عبـرة وسـروح ودمـوع
قالـوا القلـب والعيـن بحـر الـهـوي الـلـداغ

اسف زمانى الضاع درب الرجـوع قاسـى
وانا تانـى مـا بنصـاع لـى لوعـة احساسـى
سـر الدواخـل زاع وانـا زولـى لـى ناسـى
قلـب المحـنـة خــداع إنـشـره فــى الآفــاق
عبدالله التيت
18-09-2013, 12:25 PM
فراق قلبين
كلمات ياسر علي بشير
غناء محمد النصري
ﺯﻣﻦ ﻛﺎﻥ ﺍﻟﺪﺭﻳـﺐ ﻭﺍﺣـﺪ ﺣﻠﻴﻠﻨـﺎ ﺑﻘﻴﻨـﺎ
ﻓـﻰ ﺩﺭﺑﻴـﻦ
ﺧـﻼﺹ ﺍﺗﻔﺮﻗـﻮ ﺍﻟﻘﻠﺒﻴـﻦ ﻭﺍﺗﻴﺘـﻢ ﻏـﺮﺍﻡ
ﻭﺣﻨـﻴـﻦ
ﻗﺒﻞ ﻛﺸﺢ ﺍﻟﻮﺻـﺎﻝ ﻣـﺎﺭﻭﻕ ﻭﺭﺍﺀﺍﻟﺸﻴـﻞ
ﺍﻟﺘﻘﻴـﻞ ﻭﻗـﻊ
ﻗﺪﺭﻣـﺎ ﺷﻬـﺪ ﺍﻟﻤﺴﻴـﻮﻕ ﻭﻻ ﺍﻟﻔﻄـﻦ
ﺍﻟﺘـﺮﺍﺏ ﻟﺴـﻊ
ﻳﺎ ﺣﻠﻴﻠﻚ ﻳـﺎ ﺯﻣـﺎﻥ ﺍﻟﺸـﻮﻕ ﻭﻳـﺎ ﺍﺭﻭﻉ
ﺣﻠـﻢ ﻭﺩﻉ
…………….
ﺣﺮﺍﻡ ﻣﺎ ﺍﻟﺮﻳﺪﻩ ﺑﻴﻦ ﺳﻨﻴﻦ ﻭﻣﻦ ﺯﻣـﻦ
ﺍﻟﺼﻐـﺎﺭ ﺷﻔـﻊ
ﻭﻗـﺖ ﺍﺗﺼﻔـﺢ ﺍﻻﻳـﺎﻡ ﺑﺨﺼـﻢ ﻗﻠـﺒـﻰ ﻻ
ﻳـﺪﻣـﻊ
ﻭﺍﻗﻮﻟﻮ ﺍﺻﻠﻮ ﺍﻟﺰﻣﺎﻥ ﻗﺪﺍﺭ ﻭﺍﻟﺮﺍﺡ ﺗﺎﻧﻰ
ﻭﻳـﻦ ﻳﺮﺟـﻊ
………
ﺭﺣﻞ ﻣﺎ ﺧﻠﻰ ﻏﻴﺮ ﺗﺰﻛﺎﺭ ﻣﻜﺘﻮﺏ ﺑﻰ
ﺍﻟﺴـﻮﺍﺩ ﺻﻔﺤـﻪ
ﺿﻤﻴﺮﻙ ﺧﺪﺭﻭﻫﻮ ﺍﻟﻨﺎﺱ ﺑﻌـﺪ ﻓـﻮﺕ
ﺍﻻﻭﺍﻥ ﻳﺼﺤـﻪ
ﺍﻧﺖ ﺣﺎﺗﻞ ﻓﻰ ﺑﻄﻮﻥ ﺍﻟﺼﻰ ﻳﺠﻴﻚ ﻣﺤـﻞ
ﺍﻟﻨـﺪﻡ ﻧﻔﺤـﻪ
ﺗﻘﺒﻞ ﻭﻳﻦ ﻳﺘﺎﻭﺭﻙ ﻣﺎﺿـﻰ ﻣﻬﻤـﺎ ﺧﻨﺘـﻮ ﻣـﺎ
ﺑﺘﻤﺤـﻪ
……….
ﺣﻠﻴﻠﻨﺎ ﺑﻘﻴﻨـﺎ ﻓـﻰ ﺩﺭﺑﻴـﻦ ﻭﺧﻠﻴﻨـﺎ ﺍﻟﺤﻨﻴـﻦ
ﻣﺰﻫـﻮﻝ
ﺍﺣﺘﺎﺭ ﻛﻴﻒ ﻳﺪﺍﺭﻯ ﺍﻟﺒﻴﻨﻪ ﻭﻧﻤﺮﻕ ﻣﻦ
ﻣﺼﻴـﺮ ﻣﺠﻬـﻮﻝ
ﻟﻜﻦ ﻳﺎ ﺣﻨﻴﻦ ﺍﻟﺤﺎﺟـﻰ ﻓـﻰ ﺩﺍﺑﻨـﺎ ﺍﻟﺪﺭﻳـﺐ
ﺑﻴﻄـﻮﻝ
ﻭﻻ ﺗﻀﻬﺐ ﻭﺣﺎﺗﻚ ﺑﻴﻨـﻪ ﻧﺤـﻦ ﺍﻟﺒﻴﻨـﻪ ﻣـﺎﺕ
ﻣﻘﺘـﻮﻝ
……….
ﺧﻼﺹ ﺍﺻﺒﺤﻨﺎ ﻓﻰ ﺩﺭﺑﻴﻦ ﻭﻳﻘﻦ ﺣﺎﺩﻯ
ﺍﻟﺪﺭﻳﺐ ﻳﻮﻡ ﻣﺎﺕ
ﺑﻌﺪ ﺿﺎﻕ ﺍﻟﻤﺮﺍﻳـﺮ ﻛﻴـﻒ ﻳﺘﻠﻤـﻮ ﺍﻧﺘﺼـﺎﺭ
ﻭﺷﺘـﺎﺕ
ﺳﻌﺎﺩﺗﻚ ﻟﻮ ﺗﻤﻦ ﻟﻠﻔﺮﻗﻪ ﺑﺪﻓـﻊ ﻋﻤـﺮﻯ
ﻟـﻰ ﺍﻟﺸﻤـﺎﺕ
ﻭﻟﻴﻚ ﺍﺗﻤﺎﺭﻯ ﻭﻳﻦ ﻣﺎ ﺗﺒﻘﻰ ﻳﺎﻇﺎﻟـﻢ
ﺣﻘﻴـﻖ ﻣـﺎ ﻣﺎﺕ
امير طلب
18-09-2013, 04:41 PM
لحظة في حضرة عيونـك وحاجبة المرسوم هـــلال
ياهــا آخر أمنياتـــــي في حياتـــــــــــي ولا تـــزال
ذكرياتك يا أمانـــــــي باقـــــــي رغم الماضـي زال
باقي نبراس الأغانـــــي لما ليل الفـــــــرقة طـــال
لسة بتذكر وصالــــك آهة ما أحلــــــي الــوصــال
الزمان ياعــابرة شالـــك من دنـــــــايا بلا قتــــال
سابني ماقــادر أقــــــــارن بين حقايقك والخيـــال
قلبي في قلب المدايـــن وإيـــدي فــي إيد الشمــال
عــابرة يا عطش القوافــي لمـــا شديت الرحــــال
لي ديارك وإنتي جافـــي شاردة زي بحر الغـــزال
عابــرة ياظبية فيافــــي ســــارحة بينات الجبــال
فرصة لي لقياها مافــي مافي حتـــي ولا احتمــال
يسألوني عن القصائـــد وإنتي فــي دنياي ســؤال
في الضحي المنشور قصائدوالغد المأمول محـــال
عابرة ديناصور غرامــي عابرة تظهــر من خـلال
إعترافاتي وكلامــــي ماضي كـــــان موجود وزال
عابرة من دون الرسائــل ليــــــه رسالاتك قــــلال
حالتي من يوم جيت قايـل تبقي بيناتنا اتصـــــال
كم زرعنا الريد دوالــي أزهرت أغصانو شــــــال
عتقت خمــــــــر الليالــــي بينا عند اللقيا مــــال
واللي كان ياعابرة وينــو ما الزمن ماعندو حـال
مرة يسقـيك بي إيدينــو ومــــــرة يديك بالنعـــال
عابرة مشتاق لي عيونـك وحاجبة المرسوم هـلال
عابرة كل الدنيا دونــك تافهــــــــة والأيام تقــــال
امير طلب
18-09-2013, 04:55 PM
محمد احمد علي الحبيب او شاعر العابرات كما يحلو لاهلنا في الشمال بتسميته هو قيس اغاني الشايقيه وعابره هي محبوبته التي لم يبوح باسمها بل خلد ذلك في مجموعة من القصائد (العابرات) ….ارويني ارويني بحر الاماني سراب يا عابره دليني في الاصحاب,,,,,,شكررا التيت بوست برائحة التمر والجرم….

0
محمد عبد المطلب محمد
19-09-2013, 07:03 AM
برائحة التمر والجرم
وما احلي التمر بالجُرُم
ارجو ان تواصل في (العابرات)
عبدالله التيت بوست ولا اروع
امير طلب
19-09-2013, 09:40 AM
وما احلي التمر بالجُرُم
ارجو ان تواصل في (العابرات)
عبدالله التيت بوست ولا اروع

عابرة(اروينى)
أرويني أرويني نهر الأماني سراب
ياعابرة دليني ولميني في الأصحاب
الخوف من المجهول وباب الرجا المقفول
في أوجه العزاب والوازع الديني
كل التلاتة معاي اتلموا زادوا شقاي
شايل خطاي مرتاب والهم مزازيني
دمع الأسي المسكوب فوق مقبرة محبوب
والعيد علي الأبواب والباكي يعنيني
خلاني بين العود وبين اللحا المشدود
عايش دمار الغاب والسوس حواليني
يامعتصم زايلة الدنيا مامايلة
فيها الفرح كضاب ماشفتو يعميني
أوصف حياتك كيف كانت سحابة صيف
مرت علي السالماب لاضل ولا عِيني
ياعابرة حبيتك واسرعت لاقيتك
بالفرحة والترحاب واللهفة في عيني
حباً بلا جدوي متعثر الخطوة
دقيتلو مليون باب من غير يلبيني
مهزوم من الماضي مظلوم وانا القاضي
وكل القضية عتاب لي حظ معاديني
رغم الحصل مازال سيف الولف كتال
سيرني في ديداب في آخرو راجيني
يوم الوداع الحار يوم ينتهي المشوار
يوم يرحلوا الأحباب يادمعة عينيني
ياعابرة حاتلاقي لوفي العمر باقي
عالم دروبو صعاب في تيهو تطريني
أنا والهوي المكتوم بين السهر والنوم
والركوه والمحراب والليل يواسيني
امير طلب
19-09-2013, 12:53 PM
وبلا خبر وبلا خبر
طق الخبر مالي البلد
قالوا العريس قام بالحد
والحلي جاطت والحريم يتهامسن
جاي الولد
يا بختها وا شوقنا نحن
نحنا الفينا جمر الشوق وقد
كل الحديث الليلي فوق بت البلد

وهناك بعيد بي غادي في اخر الديار
راكوبة ضلها احر من حر النهار
كوم من بروش وجريد تمر عيدان صغار
ودلوق هدوم موروثة من زمن الكبار
وتلات عناقريبا صغار
كرابة متقطع نزل
والنوم من البي فوقا روح تب جفل
راقد هناك كوم من ضياع
مركب مسافري بلا شراع
واحلام مسافري بلا وداع
ودموع ضياع تنجارا
من غير انقطاع
احرف انين ما حطتن ايد بي يراع
وليلا نجومو يودعن
خلاص مسافرات هن سراع

بت البلد عبراتا سدت في الحلق
تبكي وتنوح تشرب دموعا وتنشرق
لامن حسيس نقارة جاها من الشرق
اتوسدت ايدا وبكت
قامت علي الحيل صنقرت
وبكت بكت شالت طريحتا للدميعات كفكفت
واتذكرت كانت تقوم فجرا صباح
لمن يقوم اهل الصلاح
وابوها شايل السبحي صاح
ياشافعي سوي الشاي سريع
شدي الملاح
شيلي المناجل وامشي قدامي الجرف
اتذكرت كانت تسبقو وتمشي تنزل بي تحت
تمسك سبيط التمرة بي ايدا وتحت
تقعد تحش اللوبي لي الكاويق تقش
تصل البحر والموج يداعبا فوق هدوما ينط يرش
بعدين تشيل القش تفوت
واليوم يفوت وتفوت سنسن وتمر سنين
يكبر عمير بت البلد ويكبر معاهو كمان حنين
وبعد تمر كمين سنة
في يوم صباحو صباح هنا
واحة عبير نغمة غنا
ريحة لبيني مقننة
مر الجنا وسلم علي بت البلد
وزي عادتو سلم وابتعد
تابعاهو عين بت البلد
بت البلد يوم داكا تب ما جاها نوم
كيفن تنوم مادام خيال ود البلد يمشي ويحوم
بين الخيال شافت وجيهو الهاش وباش
شافت عيونو الفيها فيض احلاما عاش
شافت سحاب الريدة فوق واديها راش
بت البلد سمعت ضريبات القلب
يا الله مالو دا ها القلب
بعد الثبات كيفن خرب
والغي سهامو عليها جات شاقي الدرب
بت البلد عرفت تحب

واتذكرت قول حاج محمد والدا
حالف يمين ود البلد ما ياخدا
لو كان ركع قداما صل ويعبدا
واتذكرت قول حاج محومد والدا
وصف العريس الجاي بي قطر الاحد
كتر محاسنو وعددا
واحد موظف وعندو مال
ياويكي في بيت الحلا ل
تبقيلو ي امو العيال
مافيش مثيلو ابدا محال

واتذكرت لامن ابت
قول حاج محومد والدا
قاليها ما عندك ادب
تعبان سنين فوقك تعب
واديكي لي زولا كعب
واتذكرت كيف نهرا ومزرزرا
وحالف كمان بيودرا
لو مارضت بالجاي بي قطر الحد

وبكت بكت بت البلد
لم الخبر زاع في البلد
انو العريس قام بالحد
والحلي جاطت والحريم يتهامسن
جاي الولد يا بختها وا شوقنا
نحنا الفينا جمر الشوق وقد
كل الحديث الليلي فوق بت البلد
لكنهن ما عرفن الشوق كيف وقد
وما عرفن انو هي شوقا تب ماليهو حد
مو ليس العريس ليهو الحبيب ود البلد
دا الراح وفي زحمت ضياعو هو ما اتوجد
يا حليلك انت يا بت البلد
ويا حليلك انت يا بت البلد

القصيده للمبدع السر عثمان الطيب وهي نموزج للشعر القصصي في اغاني الشايقيه ابدع محمد جباره في اداءه لها. وهذا النوع من الغناء يلامس الوجدان بلا استئذان ,,,,فهو عادة ما يكون ماخؤذ من قصص واقعية,, ويهدف الى معالجة قضايا اجتماعية ….نجد كثير من شعراهم طرقو هذا الباب من الشعر,,,استحضر هنا اغنيه لعثمان اليمني بعنوان(خليتني نا لي منو) بتحكي عن قصة فتاة تاخرت في الزواج وفاتها القطار فلهج الشاعر بلسانها:كل اخواتي ازوجن وبدري ساقوهن سافرن= ناس خديجةوام الحسن الا انا صابني المحن= كان نضم قالو بنات محن وكان سكت الموت والكفن= وتباروا وابدعو في هذا الضرب من ضروب الشعر … ولنا عودة مرة اخرى باذن الله مع العابرات وقيسهم,,,,التنسيق متروك المبدع التيت ودمت
عبدالله التيت
19-09-2013, 08:39 PM
وبلا خبر وبلا خبر
طق الخبر مالي البلد
قالوا العريس قام بالحد
والحلي جاطت والحريم يتهامسن
جاي الولد
يا بختها وا شوقنا نحن
نحنا الفينا جمر الشوق وقد
كل الحديث الليلي فوق بت البلد

وهناك بعيد بي غادي في اخر الديار
راكوبة ضلها احر من حر النهار
كوم من بروش وجريد تمر عيدان صغار
ودلوق هدوم موروثة من زمن الكبار
وتلات عناقريبا صغار
كرابة متقطع نزل
والنوم من البي فوقا روح تب جفل
راقد هناك كوم من ضياع
مركب مسافري بلا شراع
واحلام مسافري بلا وداع
ودموع ضياع تنجارا
من غير انقطاع
احرف انين ما حطتن ايد بي يراع
وليلا نجومو يودعن
خلاص مسافرات هن سراع

بت البلد عبراتا سدت في الحلق
تبكي وتنوح تشرب دموعا وتنشرق
لامن حسيس نقارة جاها من الشرق
اتوسدت ايدا وبكت
قامت علي الحيل صنقرت
وبكت بكت شالت طريحتا للدميعات كفكفت
واتذكرت كانت تقوم فجرا صباح
لمن يقوم اهل الصلاح
وابوها شايل السبحي صاح
ياشافعي سوي الشاي سريع
شدي الملاح
شيلي المناجل وامشي قدامي الجرف
اتذكرت كانت تسبقو وتمشي تنزل بي تحت
تمسك سبيط التمرة بي ايدا وتحت
تقعد تحش اللوبي لي الكاويق تقش
تصل البحر والموج يداعبا فوق هدوما ينط يرش
بعدين تشيل القش تفوت
واليوم يفوت وتفوت سنسن وتمر سنين
يكبر عمير بت البلد ويكبر معاهو كمان حنين
وبعد تمر كمين سنة
في يوم صباحو صباح هنا
واحة عبير نغمة غنا
ريحة لبيني مقننة
مر الجنا وسلم علي بت البلد
وزي عادتو سلم وابتعد
تابعاهو عين بت البلد
بت البلد يوم داكا تب ما جاها نوم
كيفن تنوم مادام خيال ود البلد يمشي ويحوم
بين الخيال شافت وجيهو الهاش وباش
شافت عيونو الفيها فيض احلاما عاش
شافت سحاب الريدة فوق واديها راش
بت البلد سمعت ضريبات القلب
يا الله مالو دا ها القلب
بعد الثبات كيفن خرب
والغي سهامو عليها جات شاقي الدرب
بت البلد عرفت تحب

واتذكرت قول حاج محمد والدا
حالف يمين ود البلد ما ياخدا
لو كان ركع قداما صل ويعبدا
واتذكرت قول حاج محومد والدا
وصف العريس الجاي بي قطر الاحد
كتر محاسنو وعددا
واحد موظف وعندو مال
ياويكي في بيت الحلا ل
تبقيلو ي امو العيال
مافيش مثيلو ابدا محال

واتذكرت لامن ابت
قول حاج محومد والدا
قاليها ما عندك ادب
تعبان سنين فوقك تعب
واديكي لي زولا كعب
واتذكرت كيف نهرا ومزرزرا
وحالف كمان بيودرا
لو مارضت بالجاي بي قطر الحد

وبكت بكت بت البلد
لم الخبر زاع في البلد
انو العريس قام بالحد
والحلي جاطت والحريم يتهامسن
جاي الولد يا بختها وا شوقنا
نحنا الفينا جمر الشوق وقد
كل الحديث الليلي فوق بت البلد
لكنهن ما عرفن الشوق كيف وقد
وما عرفن انو هي شوقا تب ماليهو حد
مو ليس العريس ليهو الحبيب ود البلد
دا الراح وفي زحمت ضياعو هو ما اتوجد
يا حليلك انت يا بت البلد
ويا حليلك انت يا بت البلد

القصيده للمبدع السر عثمان الطيب وهي نموزج للشعر القصصي في اغاني الشايقيه ابدع محمد جباره في اداءه لها. وهذا النوع من الغناء يلامس الوجدان بلا استئذان ,,,,فهو عادة ما يكون ماخؤذ من قصص واقعية,, ويهدف الى معالجة قضايا اجتماعية ….نجد كثير من شعراهم طرقو هذا الباب من الشعر,,,استحضر هنا اغنيه لعثمان اليمني بعنوان(خليتني نا لي منو) بتحكي عن قصة فتاة تاخرت في الزواج وفاتها القطار فلهج الشاعر بلسانها:كل اخواتي ازوجن وبدري ساقوهن سافرن= ناس خديجةوام الحسن الا انا صابني المحن= كان نضم قالو بنات محن وكان سكت الموت والكفن= وتباروا وابدعو في هذا الضرب من ضروب الشعر … ولنا عودة مرة اخرى باذن الله مع العابرات وقيسهم,,,,التنسيق متروك المبدع التيت ودمت
لك الشكر الحبيب امير والله ليك وحشة
ومنور خليك قريب من البوست
منتظرنك تواصل معانا ،،،،237806
عبدالله التيت
19-09-2013, 08:42 PM
عبدالله التيت بوست ولا اروع
تسلم من كل شر حبيبا محمد طلب
يديك العافية،،،
امير طلب
20-09-2013, 03:04 PM
عابرة ( مابتجف أبداً جفوني)
للشاعر : محمد احمد الحبيب
مابتجف أبداً جفوني والدمع طوالي هاطل
والخلوق بعدك جفوني والضياع ياعابرة حاصل

عابرة ذكراك ياها عوني في الزمان الجاف وقاحل
في سراب توه عيوني في بحار من غير سواحل

عابرة من فارقتك إنتي أصلي ما ونيت مواصل
في طريق لو كان عرفتي سام ووا أسفاي قاتـل

عابرة محتار كيف ألاقيـك لي عيونك وين أقابل
مدة في حرقة بواديـك قلبي مارشاهو وابل

عاد أجيبلو الفرحة من ويـن مني كل الشايفو جافـل
راجي من جملة مساكين رحمة الله الماهو غافـل

إلا بس وحياة حناني والمني الصعبان وساهل
بي غرامك يا أماني الفؤاد مليان وآهل

للفراق البينا أسباب يوم تزول يا عابرة آمِـل
نبقي زي مانحنا أحباب نمشي في الأعياد نجامل

عابرة لوكان ألقي خاطري بسرقن في القيط سنابل
وأهدي ليك من بين جواهـري أندر الماسات في بابل

ترتوي وتشرب بواديـك وينتشي الفي فرعو ذابل
ويرجعن صادات قماريــك ويصدحن في الدوح بلابل
ان شاء الله ح اكون قريب يا التيت لك مني كل الود
عبدالله التيت
20-09-2013, 08:51 PM
عابرة ( مابتجف أبداً جفوني)
للشاعر : محمد احمد الحبيب
مابتجف أبداً جفوني والدمع طوالي هاطل
والخلوق بعدك جفوني والضياع ياعابرة حاصل

عابرة ذكراك ياها عوني في الزمان الجاف وقاحل
في سراب توه عيوني في بحار من غير سواحل

عابرة من فارقتك إنتي أصلي ما ونيت مواصل
في طريق لو كان عرفتي سام ووا أسفاي قاتـل

عابرة محتار كيف ألاقيـك لي عيونك وين أقابل
مدة في حرقة بواديـك قلبي مارشاهو وابل

عاد أجيبلو الفرحة من ويـن مني كل الشايفو جافـل
راجي من جملة مساكين رحمة الله الماهو غافـل

إلا بس وحياة حناني والمني الصعبان وساهل
بي غرامك يا أماني الفؤاد مليان وآهل

للفراق البينا أسباب يوم تزول يا عابرة آمِـل
نبقي زي مانحنا أحباب نمشي في الأعياد نجامل

عابرة لوكان ألقي خاطري بسرقن في القيط سنابل
وأهدي ليك من بين جواهـري أندر الماسات في بابل

ترتوي وتشرب بواديـك وينتشي الفي فرعو ذابل
ويرجعن صادات قماريــك ويصدحن في الدوح بلابل
ان شاء الله ح اكون قريب يا التيت لك مني كل الود
ابدااااع
شكراً امير
واصل بدون توقف
:wrd:
امير طلب
22-09-2013, 06:24 PM
عـابرة ( جرحي الأليم )
عابـرة ياجرحـي الأليـم ** أيـام لـقـاك مابيرجـعـن
لكن محال يرجـع قديـم ** بيهـو الظـروف مابيسمحـن
*****
أطياف تجيني خيال خيال ** همس السواقي يجي ويـروح
غرقان أشابي علي المحال ** من قلبـي مادايـر النـزوح
زي شتلة في حلق الرمال ** دار يبلعـا الزحـف الطمـوح
ماني البراي علي كل حال ** كل المخاليـق ….. تندفـن
*****
مرات بشوفك فـي المنـام ** رغـم المسافـات والنـوي
لو حتي ناقص ماهـو تـام ** متعشـي أوبايـت القـوي
بي رفعة إيدك فـي السـلام ** يرجـع زماننـا الإنطـوي
ياعابرة لوكان في المنـام ** رؤيـاك عيونـي بتسعـدن
*****
خبـرك أناجيبـو الصبـاح ** ماكانـت البـارح مـعـاي
وإتمط فوق كميـن جنـاح ** وإتمـد فوقـا علـي قفـاي
وأسرق من الماضي اللي راح ** أمسح مزاميري وغنـاي
ياعابـرة بـي رغـم الجـراح ** البـي لسـع ينـزفـن
*****
رغم الرياح والموج شديد ** وأنا لاني يوسف ولاني نـوح
لكن بحاول من جديد ** أبني السفايـن لـوح فـي لـوح
ويوم أرسي في الشاطي السعيد **وألقاكي ياام وجهاً صبوح
ياعابرة بي عزمـي الحديـد ** كـل المسافـات يقصـرن
*****
الفرحة كستهـا فـي الشمـوع ** لكـن لقيتـا بتنطفـي
في حفلة في غنـوة ربـوع ** إنشـاالله تظهـر وتختفـي
فتشـت لاغايـة الدمـوع ** لكـن براهـا الماهـا فــي
ياعابرة لـو كـان للرجـوع ** أيـام زمـان مابيرجعـن
*****
ياعابرة في الزمن العجيب ** خايف عليك هـوس المـدن
بي نيتك الصافي الحليب ** وانصع بياضـا مـن القطـن
ذكراك تجيني قريب قريب ** زي نسمة في الجـو السخـن
ياعابرة ذكـراك ماهـا عيـب ** بيهـا وبلاهـا ينقنقـن
*****
ياعابرة في ضي القمـر ** فـي ليلـة كتاحـة ودعـاش
متمدي لي مد البصر ** خلت عيونـي طشـاش طشـاش
وفي قلبي ريدك مافتر ** ينمو ويزيـد لـي اليلـة عـاش
ياعابرة ديمـة علـي سفـر ** روح الهيـام مابتنسجـن
وسوف نتابع مع العابرات حتى نعبر الى مرافي مبدع اخر من مبدعي الشمال الاوهو المبدع عبد الله محمد خير وثنائية رائعة جمعته مع ملك الطنبور صديق احمد عطروا بها فضاءات عالم الطنبور,,,,, كده كيييف يا التييت
امير طلب
22-09-2013, 07:34 PM
بت المـداين
عابرة يا بنت المداين والمدن ما فيها عشرة
يا حليل أيامها راحت خلفت جواي حسرة
كل ما اقول آخر دي عابرة تاني ألقا اشعاري تترى
تندفع قدامي دافرة زي مياه النيل بتجري
وفي بوادي أحزاني فاضت وما إكتست وجداني خضرة
للأسف يا عابرة عارف إنو في دربك ضياعي
إلا برضو مصر أجازف حأظل طول عمري ساعي
ولي عيونك لازم أوصل وحتى لو ما اليلي بكرة
حبي ليك يا عابرة صادق حبي ما بيعرف فنادق
حبي من وحي الخنادق من زفير نفس البنادق
ولا بيقيف قدامو عايق ولا الرياح تمنعلو هجرة
كيف سواسيوك أسوقها في الضحى الحلق حِدي
فوق جزارات غالي سوقها بيها كل المافي زيو
ولا قدرت أخش أتاجر لاني قادر أرجع أقرأ
أقرأ إيه من غير عيونك وإنتي لي عيني سراجا
كيف زمانن قلّ نورو وشع فيهو الروح وإبتهاجا
وكل ما أصيح يا عابرة وينك وفي الصياح تخنقني عبرة
دا الحرام يا عابرة ظاهر شرحو ما بيصعب علينا
والحلال طيراً مهاجر ما بيرك يوم في المدينة
وتقرع أجراسو المداين والطيور إيمانها فطرة
ما الطيور إحساسها صادق تعرف الفجر الحيطلع
صادقي والإنسان مخادع حتى لو كان دابو يرضع
الجبال أبت الأمانة وشالها هسع واطي جمرة
ماضي في دنيا عنادو اليفوت كان فيها ينفع
مهما كان إدراكو واسع عابرة ما علم الله أوسع
وشوفي كيف روعة جلاله لما قال للأمي أقرأ
محمد عبد المطلب محمد
22-09-2013, 08:22 PM
وشوفي كيف روعة جلاله لما قال للأمي أقرأ
ما عارف””!! لكن ما عجبتني
عبدالله التيت
22-09-2013, 10:24 PM
, كده كيييف يا التييت
انت كده :ANSmile24:
:wrd:
امير طلب
28-09-2013, 10:25 AM
عــابره مــشتـاق للبلد
يا عابرهـ .. مشتاق للبـلد
شوق الغفار الجافه لي صوت الرعد
للروعه في أيام زمان وشليل وشد
للوقفه فوق درب الورود والصيد ورد
لي زول يدودر للشراك في قينقرد
يدعوها يابت الملوك بحرك شرد
لي صوت حنون بينادي في صبح السعد
ماتصحا يا زين الجنيات شايك برد
حبل الصلات البينا أقوي من المسد
لولا مناشير المشايخ والعمد
فجعوني في ريدي القديم لما إتفقد
يوم فقدو كان يوماً عجيب هزاني جد
باعوهو لي زولاً غريب شالو وشرد
خلاني في غمرة شقايا بلاسند
حسيت إني فقد هنايا إلي الأبد
في لحظة عِن ساعة الصفاح لُمان عَقد
طارت سحايب أحزاني بالشوق والكمد
غطت سماي الفيهو نجمات بالعدد
الحالة ياست العيون مابتنشرح مهما سرد
يعلمبها الرافع سماهو بلا عَمد

عالم الغيوب الخمسة بي جاهو لإتفرد
الباسط الباري البديع صادق الوعد
قلبي الوراك أنفق سنين ماليها حد
رحالة فوق جمل الهجين طالبو الأمد
وآخر كلام ياعابرة قدامك ولد
راييو الأخير الموت ولا العيشي النكد
محمد عبد المطلب محمد
28-09-2013, 11:08 AM
يا امير
حيطة تمطي وتفلق في قفا الزول البناها
امير طلب
28-09-2013, 12:45 PM
يا امير
حيطة تمطي وتفلق في قفا الزول البناها
نورة …. والحلم المدردح

هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم
القصيدة كلمات محمد الحسن سالم حميد ,,,, تحياتي النواضر اخي محمد
عبدالله التيت
08-10-2013, 01:37 PM
القلب الجريح

كلمات/ محمد سعيد دفع الله

غناء / النعام ادم

القلب الجريح الديمه ينزف فى دماهو
اشرح لى بس ورينى ايه ذنبو الجناهو
حافظ لى زمان العشره ذاكر ما نساهو
وكيف تنساهو انت يا روحو ليه بتزيد شقاهو
كلما ا شرق صباح يا روحى قلبى يزيد عناهو
وانت القاسى ما راعيت كفاهو عذاب كفاهو
مره اطراهو انت طبيبو فيك يكمن شفاهو
ومن غيرك محال ينصح يطيب ويجد دواهو
ده الزول القبيل حباك فى جهلو وصباهو
ليه خليتو عاش وحدانى كيف اختر سواهو
بانى عليك حياتو قبيل و فاكرك كت معاهو
حرام تنساهو والله حرام تهد ماضى البناهو
اساهر الليل ويشهد لى نجمو الفى سماهو
وانوح حدى الصباح عينى النوم ماب تراهو
باكى الماضى ديمه بنوح حكيت فاقد جناهو
وين زولى الوسيم دلونى عيشتى جحيم بلاهو
حليلو ويا حليل الماضى فى ودو وصفاهو
وطريت برقو البشيل عبادى من تبسم سناهو
وفرعو البان رشيق يتنى مال هتف نداهو
وضميرو الزى جدى الغزلان بعيد ضارب خلاهو
ضلام الليل سبيبو سوادو مسدول فوق قفاهو
مهما طال عذابى انا برضى دايما فى رجاهو
عبدالله التيت
11-10-2013, 05:17 PM
بحر السراب
محمد النصرى

يـا فـرحـه فى بـحـر السراب يا كلمة فى اول جواب
يـا واحه فى ليل الصعاب آخر شعاع وسط الضباب
يـا نـجـم مـن دنـيـانـا غـاب يا اغلى ما تحت التراب
تـنـخــلـفـى قـبـال العذاب بيك برسل الآهات خطاب
يـمـه يـا الأمـل الـرحــل قــبـال يـقـول كـلـمـة وداع
يـمـه يـا الـنـور الـخـفـت قـبـال يـرسـل خـيط شعاع
يـمـه يـا دمـعـة فـطـيـــم خـلــوه لـي لـيــــل الضياع
يـمـه يـا مـركـب نـجـاه غـرقــت قـبـل تـفـرد شراع
يـمـه يـا نـجـمـات صـبـاح مـرن سراع مرن سراع
يـا يـمـه مـن بـعـدك انـا اصـبـحـتـا لـلأهـــات وطن
دروشــتـا فـى خـلــوة أســاى ســبـحـتا بخرز المحن
كـتـحـتـا صـبـري انــا لـلــريـاح غنيتا للاحزان بكن
دقـيـتـه بــاب الـذكــريـات كـان الـقى لى هناك سكن
ما لـقـيتا صورتك فى الخيال لا شفتا من بعدك زمن
ودرتــا لـى درب الــرجـــوع كـل الـمــعـــالم اختفن
فـتـشـتـا فـى كـل الـبــلاد كـان الـقـى لـطـيـبـتك مثيل
دورتـا فـى كـل الـبـقـاع شـايـل عــذاب لـيــلاً طويل
زادى الوحيـد كـان الصبر فى الظلمه والزمن العليل
زمـنـا يـشـيـل حــق الـضـعـيـف يـديـهـو لعابر سبيل
زمـنـا يـغـيـر كـل شـئ حـتـى الـزمـان كان مستحيل
يـا يـمـه كيف يتبلا شوق والشوق على كل يوم يزيد
لا انـتـى بـنـتـى ولاهـو راح لا غـيـرو الزمن المديد
يـا يـمـه بــعـــدك لا فـرح طــلانا لا ضــمـــانـا عيد
غير خيط امل يبدا ويروح كل ما العذاب يرجع يعيد

كـل مـا اقـول يـا داك فـرح الـقـاهـو مـنـى بعيد بعيد
لـكـنـى راجـع لـيـك انـا بـالـرغـــم مــن كـل المحال
جـايـك عشان اعرف خطاى من وين تستف للرحال
جـايـك لـو كـان مـسـتـحـيـل جـايـك او كـان بالخيال
راجـيـنى لـو كان فى الحلم ما الدنيا من بعدك زوال
عـنـوانـى خـلـف الـلاوجــود يـا امـى يـا ابـعـد منال
محمد جعفر
12-10-2013, 11:03 PM
جــــــــــــن الريد
ك / علاء الدين عبدالرحيم
غ/ المبدع /عبدالرحيم ارقى

أحمد معـروف بالطيبـة حسـن أخـلاق وعليهـا إتربـه
تكفي شهادة ناس الحلـة إنـو خلـوق وخجـول ومُربّـه
مهذب رغم حداثـة سنـو لبـس تهذيبـو أصالـة وهيبـة
أدي النـاس الحـب أدوهـو حسـن الظـن بيناتـن شبـه
خشت فجأة أميمـة حياتـو وصـارت بينـو وبينـا محبـة
قلبو إختارها عشان معروفة زولة حنينـة وراقيـة وطيبـة
دسو الريد في السر بيناتُن وخلّـو حبيـس دفيـن ومخبـه
وكيف تنضارى متل أشواقن وليه زي ريـدُن يـوم يتخبـه
بعد أيـام وصلتـو رسالـة جـواب مليـان تقيـل ومعبـه
قبال ما يفتحو عرف الراسل باينة وظاهرة رسائـل وهبـة
أخوهو الليهو زمن متغرب تسعـة سنيـن قضاهـن غربـه
مرسل ليهو تذاكر وفيزا دايرو يجيهـو هنـاك فـي طيبـه
طار في الأول أحمد فرحه كلـم كـل النـاس والصحبـه
لما إتذكر أميمـة حبيبتـو فجـأة إنتابـو شعـور بالخيبـه
لكـن قـرر إنـو يسافـر سرعـة يعـود ويتـم الخطبـه
لأنو الغربه طريقه قصير وفيهـا يهـون تحقيـق الرغبـه
جاتو اميمة حزينة توادعـو جاتـو تجفـف دمعـو الكبـه
جاتو توصي عشان ما يقوى لا ينساها هنـاك فـي الغربـه
جاتو تطمنـو إنـو حيفضـل ريـده الخالـد مهمـا غبـه
حافظه عهود الريدة البينُـن ومهمـا كـان ح يظلـو أحبـه
أهدتلو المصحف شان يرعاهو من العيـن والهـم والكربـه
لبّسه عهد الريد في جيده عقـد ممهـور بصـورة الكعبـه
قامو إتوادعو زيـن إتباكـو فـات خلاهـا وحيـدة وخبـا
سافر شال همو وأحزانـو بعـد أيـام فـي المملكـة طبـا
لاقو الناس يا زول كيف حالك بالأحضان قام سالـم وهبـه
قالو نصاح ناس أمـي وأبويـا مشتاقيـن راجنلـك أوبـة
قالو أحمـد سافـر يـا وهبـه غيـر جـوَّك وروِّق حبـه
أمـك ياخـي تلاهـي عليـك لاخـلالا ضريـح لاقـبـه
السودان مشتاقلك كلـو ضفـاف ورمـال سواقـي وتربـه
وحتى النيل فرحان راجيك تجي وتنهل من مويتـو العذبـه
بعد أيام كان وهبه هنـاك بيـن أصحابـو وأهلـو وأحبـه
في حضن أمو الطول منو في حيشانـو الواسعـة الرحبـه
قالتلـو أمـو أخوانـك كبـرو ومـا فضلنـا زول يتربـه
بس فضلي أشوفـو جديـدك وكتيـن لسـع حيـه وطيبـه
إختارولو بنيـي سميحـي تشـع حيويـه ورونـق وهيبـه
أديبه وراقيه وكلها عفه وبرضو أهل وقراب فـي الحسبـه
يوم العرس الحي صباحي فرح مطبوق والنـاس منطربـه
شاق الليل صوت كم زغروده وحس طنبور ودليبـن ربـه
إلا في واحده حزينه وباكيه سايلـه دموعـا دوام منسكبـه
وفي دموعا سؤال بيحير وفـي آهاتـه أسـرار محتجبـه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجـع لـي بلـد الغربـه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بـي لهفـه ورغبـه
شاف قدامو الما متوقع هم الكـون فـوق راسـو إنصبـه
شاف السلسل عهد الريده نفس السلسـل وصـورة الكعبـه
شاف قدامو أميمه حبيبتو كانت قاسيـه وقاضيـه الضربـه
شاف أحلامو تضيع قدامو بعـد مـا كانـت منـو قريبـه
كانت لحظه تفيض بالدهشـه شـاف الدنيـا كأنهـا كذبـه
كورك أميمه أميمه وصنقـع صنقـع ودنقـر ودّر وغبـى
وجن أحمد في نفس اللحظه جن الريـد مـا أظـن ينطبـا
عبدالله التيت
17-10-2013, 09:55 AM
غيم الوداد
كلمات خالد شقورى
غناء ودالنصرى

نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
تعال يا العمرو ما غبا
تعال أنا وأنت في عينيك من عينيك نتخبا
تعال أشواقي ما قدرت تقاوم نسمك الهبا
كان جيتك تكون أروع زمن دابو الحرف تبا
زاهية الدنيا بالأفراح ولسة أساي ما تبا
وكنت دخرتلك غنوات عشان أحلامنا تتربا
كفاك طول الأمـل يا ليـل
أخير تديني باقي الحيــل
قبل يجرف هواي السـيل
وألم في العمــرو ما غبــا
معاك ببني المشاعر بيت
معاك بحلف بقـول غنيت
ولا بندم وأقول يــــاريت
ولا بالجــــــــاي بتنبـــــا
نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
وكان حبل العمر ساكن
بسيمة زولة تتحبا
عبدالله التيت
22-10-2013, 11:34 PM
جــــــــــــن الريد

ك / علاء الدين عبدالرحيم

غ/عبدالرحيم ارقى

أحمد معـروف بالطيبـة حسـن أخـلاق وعليهـا إتربـه
تكفي شهادة ناس الحلـة إنـو خلـوق وخجـول ومُربّـه
مهذب رغم حداثـة سنـو لبـس تهذيبـو أصالـة وهيبـة
أدي النـاس الحـب أدوهـو حسـن الظـن بيناتـن شبـه
خشت فجأة أميمـة حياتـو وصـارت بينـو وبينـا محبـة
قلبو إختارها عشان معروفة زولة حنينـة وراقيـة وطيبـة
دسو الريد في السر بيناتُن وخلّـو حبيـس دفيـن ومخبـه
وكيف تنضارى متل أشواقن وليه زي ريـدُن يـوم يتخبـه
بعد أيـام وصلتـو رسالـة جـواب مليـان تقيـل ومعبـه
قبال ما يفتحو عرف الراسل باينة وظاهرة رسائـل وهبـة
أخوهو الليهو زمن متغرب تسعـة سنيـن قضاهـن غربـه
مرسل ليهو تذاكر وفيزا دايرو يجيهـو هنـاك فـي طيبـه
طار في الأول أحمد فرحه كلـم كـل النـاس والصحبـه
لما إتذكر أميمـة حبيبتـو فجـأة إنتابـو شعـور بالخيبـه
لكـن قـرر إنـو يسافـر سرعـة يعـود ويتـم الخطبـه
لأنو الغربه طريقه قصير وفيهـا يهـون تحقيـق الرغبـه
جاتو اميمة حزينة توادعـو جاتـو تجفـف دمعـو الكبـه
جاتو توصي عشان ما يقوى لا ينساها هنـاك فـي الغربـه
جاتو تطمنـو إنـو حيفضـل ريـده الخالـد مهمـا غبـه
حافظه عهود الريدة البينُـن ومهمـا كـان ح يظلـو أحبـه
أهدتلو المصحف شان يرعاهو من العيـن والهـم والكربـه
لبّسه عهد الريد في جيده عقـد ممهـور بصـورة الكعبـه
قامو إتوادعو زيـن إتباكـو فـات خلاهـا وحيـدة وخبـا
سافر شال همو وأحزانـو بعـد أيـام فـي المملكـة طبـا
لاقو الناس يا زول كيف حالك بالأحضان قام سالـم وهبـه
قالو نصاح ناس أمـي وأبويـا مشتاقيـن راجنلـك أوبـة
قالو أحمـد سافـر يـا وهبـه غيـر جـوَّك وروِّق حبـه
أمـك ياخـي تلاهـي عليـك لاخـلالا ضريـح لاقـبـه
السودان مشتاقلك كلـو ضفـاف ورمـال سواقـي وتربـه
وحتى النيل فرحان راجيك تجي وتنهل من مويتـو العذبـه
بعد أيام كان وهبه هنـاك بيـن أصحابـو وأهلـو وأحبـه
في حضن أمو الطول منو في حيشانـو الواسعـة الرحبـه
قالتلـو أمـو أخوانـك كبـرو ومـا فضلنـا زول يتربـه
بس فضلي أشوفـو جديـدك وكتيـن لسـع حيـه وطيبـه
إختارولو بنيـي سميحـي تشـع حيويـه ورونـق وهيبـه
أديبه وراقيه وكلها عفه وبرضو أهل وقراب فـي الحسبـه
يوم العرس الحي صباحي فرح مطبوق والنـاس منطربـه
شاق الليل صوت كم زغروده وحس طنبور ودليبـن ربـه
إلا في واحده حزينه وباكيه سايلـه دموعـا دوام منسكبـه
وفي دموعا سؤال بيحير وفـي آهاتـه أسـرار محتجبـه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجـع لـي بلـد الغربـه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بـي لهفـه ورغبـه
شاف قدامو الما متوقع هم الكـون فـوق راسـو إنصبـه
شاف السلسل عهد الريده نفس السلسـل وصـورة الكعبـه
شاف قدامو أميمه حبيبتو كانت قاسيـه وقاضيـه الضربـه
شاف أحلامو تضيع قدامو بعـد مـا كانـت منـو قريبـه
كانت لحظه تفيض بالدهشـه شـاف الدنيـا كأنهـا كذبـه
كورك أميمه أميمه وصنقـع صنقـع ودنقـر ودّر وغبـى
وجن أحمد في نفس اللحظه جن الريـد مـا أظـن ينطبـا
عبدالله التيت
22-10-2013, 11:42 PM
رسائل ست الدار بت احمد جابر
للزين ودحامد
محمد الحسن سالم (حميد )

( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن
شن خلولنا بلا حجار
الله يصرف الخواجات
بينات جعفر والمحجوب
والمحجوب والخواجات
طقت حجي .. العمدة طفاها
باقي الناس الجات للفرجي
قنبو قيلو شبعو لحوم ..
والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار
والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين
وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين
كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات
والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك
وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان
أي عوج مبدي ومختوم
صوتنا هناك وهنا مكتوم
ومافي فرق في الوقت الراهن
بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني
يا اخيتي ومرتي وامي وأم الكل
أنا بندهلك من شارع الله
فوقي هجير والتحتي بقل
سبي معايا الشردو راجلك
والحرمونا شوية الضل
سبي الحالة العالة علينا
حتى احكيلك بالتفصيل
حاصل الحاصل يا بت أحمد
جاني وفد في المصنع زاير
وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا .
سيرو موكب صامد وصامت
إتضامنا معاهم سرنا
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة
والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع
مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي
وكل وجوه الراسمالية
وأشرف من …………..
داك الحين المصنع هاج
جات عربات اللات بوليس
فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار
ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات
مرتاً دغري وغلباوية
آه يا الزين .. لو كنت معاكم
كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد
كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو
فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك
أو في الثانوي لقيت لك خانة
لكن قدرك يا إنسان ..
بلداً هاص هيصة جبانة
طالو الناس التريانين
ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد
عبدالله التيت
13-11-2013, 08:24 PM
ﺍﻟﺬﻛـــﺮﻳﺎﺕ
كلمات والحان عباس ادريس
غناء محمد النصرى

الذكريات مالت علي الحيل تتكي مال حيلا هداهو الوقاف
والامنيات مالت علي الليل تشتكي لملم ضلامو الليل وخاف
شرقت شمس يوم الفراق صبحت ديار الشوق جفاف
واتلاشن ايامي الخضر وانتابكني ايام عجاف
ـــــــــــــــــــــــــــــ
في حضرتك مضت السنين ذي سرعة الايام خفاف
وبلاكي تتمدد تطول ايامي تبقي رداف رداف
ياحليل اماسنا الحنان ياحليل ليالينا العفاف
ياحليلنا من بعد السفر قلبينا يبقو رهاف رهاف
ـــــــــــــــــــــــــــــــ
الفتنا كانت امنيات يحلم بها الموج والضفاف
سرق القدر فرح السنين مديت حبال صبري الضعاف
راضيبو حكمك ياقدر لا بي ريبة ولا خلاف
باكر بشير الخير يجي شايل البشاير لي زاف
ــــــــــــــــــــــــــــــ
نتلاقا في حضن الامان يرحل زمن عطشان وجاف
تزهر حقول مر ابا صيف نشفت مع الايام نشاف
تصدح مصابيح الغرام تزدان فرح يوم الزفاف
انا وانتي والشوق نتفق وافراحنا تملا الكون هتاف
ــــــــــــــــــــــــــــ
ابحرت من شاطي الظنون جيت لليقين والاعتراف
سافرت فوق سرج الخيال طيفك خطر ببالي طاف
لا مل حيلي من السفر لا كلت افكاري الطواف
عارف ثمار جرف الامل بجنيهو في اخر المطاف
عبدالله التيت
29-11-2013, 08:38 AM
يا يابه
كلمات : خالد الباشا
غناء محمد النصرى
يـابــا يــــا قــمــري الـبِـهِّــلْ وحيـاتْ عيـونـي المشتـهـاك
يــا يـابـا فــي نـظــرك مِـتــلْوآ شـوقـي لـــي لـهـفـة رؤاك
يـا يـابـا كــان شَـوفـك كِـمِـلْ باكر تشوف بي عينك جنـاك
والله تــمـــرك مـــــا هِــمـــلْ مـا دام مسـمـدو بــي شـقـاك
صِـــح يـابــا ايـامـنـا بَـتـقِــلالا المفـضـلـي مــنــو هــــاك
وعـمــري الـطـويــل فــوقــك يَضِل ينشر يابا حدود رضاك
بــس يـابـا لا تبـكـي وتـسِـل روحـي المَشكَنـة فـي هــواك
انـا بــس كفـايـا الـقـاك تـبـلْ شــوق القُـلـوب المشـتـهـاك
مـا يانـي زاتـي الـمِـن طِـفـل متلمـي ابـويـا عـلـي ضــراك
ربيـتـنـي بالـصـبـر الــطــوٍّل سويتـنـي بــي بـركـة دعــاك
والليـلـي كــان حِمـلـك تِـقِــل خـت المحَمِـلـو فــوق جـنـاك
كـــان تـقــدر الأيـــام تــحِــل ديـن السنيـن وجــزا عـطـاك
بـس يابـا لا تخـاف المَـنَـون مـادام مصيـر الـنـاس هــلاك
واعرف كمان والدي الحَنون الصالِحـي مـا اتقطعـت وراك
وكان الله شـال نـور العِيـون يـا يابـا نحـنْ وهّــج ضِـيـاك
ان شاء الله ما تخيـب الظنـون عشمـك بتلقـي الـفـي جـنـاك
أنا كان مناي والكون عريس ألقـاك تهـش بالخـيـر جـنـاك
وكـان طـلّ دربـك يابـا ميـس شيلـن عيونـي ابــوي فِــداك
هبشنـي فـي الايـام بصـيـص احسبنـي خطـوة مَـعَ خُـطـاك
يا ريتنـي يوسـف والقميـص اكـســيــر عـويـنــاتــك دواك
يا يابا يا قمري البهِّل
عبدالله التيت
30-11-2013, 11:28 AM
غلطان أنا
كلمات خالد شقورى
غناء عبدالرحيم البركل

عـاشـق عـيـونـك كـم سنه معليش خلاص غلطان أنا
مـشـيـت عـلى دربـك سـنـيـن افـرش دريـبـك بـالمنى
سـرحـت فـى واديـك زمـن نـاس الهموم ناس الضنى
كـتـبـت فـيـك احـلـى الـكـلام نـظـمـتـا فيك اجمل غنا
خـلـيـت يـمـيـن كـل الـبـلاد واخـتـرتـا دنـياك احضنا
مـعـلـيـش خـلاص غـلـطـان أنا وكل الحصل بتحملو

انـا لـى زمـن مـتـمـنى يوم آخر المطـاف بس اوصلو
ويـقـولـو لـى مـبـروك عـلـيـك ونـبـدأ الـفرح من أولو
نضحك كتير جنب الصحـاب فى يـوم سعيـد ما اجملو
معليش خـلاص غلطان أنـا غلطـان عشان بغلط كتير

غـلـطـان عشان قايـلـك هـنا إمكن معاى تبدى المسير
غـلـطـان عشان مـن الـنسـيم لو مس لى جسمك اغير
غـلـطـان عشان مـن دون جراح فى دنيتك داير اطير
ماكـان زمـان بـتـقـولى لى غيرك محال اعشق حبيب
مـهـمـا قـسـت كـل الـظـروف أنا ليك ما ممكن اسيب
آيـه الـجـديـد فـى حـبـنـا آيـه الـحـصـل آيـه الـغـريب
لـو مـا الـزمـان غير هواك ولقيتى لى جرحك طبيب
قولى زى ما النـاس تقـول انو الزواج قسمه ونصيب
معـلـيـش خلاص غلطان أنا ومن قلبى ليك كل المنى

تـتـهـنـى بـى فـرح الـعـمـر ويــذدان قـليـبــك بـالمـنى
ياهـو الـقـدر وانا راضى حتى لـو انكـتب لـى الضنى
تـتـهـنـى انـت مـع الـنصـيـب وانا ليك بنظـم فى الغنا
اصلوا الـحـصـل ما منـك انتى بس صحيح غلطان أنا
عبدالله التيت
02-12-2013, 06:49 PM
مازي المطر بتقيف
كلمات / محمد المهدي حامد
غناء / محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم
البحّات
15-12-2013, 11:07 AM
بحر المودة
كلمات / السر عثمان الطيب
اداء / محمد جبارة

شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
حياك الله الأستاذ عبد الله التيت – الشاعر شايقي – الشعر دا ما شايقي – لولا الأم الرؤوم – و الفنان القامة محمد جيارة – كلمات الأستاذ السر عثمان – لا ترقي مقامه و مقام شعراء الشايقية – لكنها الأم – و لكنه ود جبارة – أبكانا بها – تسلم التيت
عبدالله التيت
16-12-2013, 10:36 AM
بالميلاد
كلمات الاستاذ / خالد الباشا
غناء / محمد النصري

الايـام مالن مـاهـن فـى الآلآم داقـالى اوتاد
الايام كاتـفانى حزيـن وسـوجرن الاشواق باصفاد
كـندكن الأحلام بـالحـسـرة ويبسـن الوديان فى المسرى
ولو بتعـدل الخطوة والـعـتـرة مـا اتراوحت وجيتك صاد
مـا حـبـيـت عـيـنك بـالصدفة ومـا لاقـيـتك دون ميعاد
اتـلاقـينا صـباح الدنيا وشلتك منيه واتجنستك فى الميلاد
اتحـسـسـتك حـب بـاـفطره وعـشـتـك فكره وشلتك زاد
ومـن شـقـيـت طريـق اشواقنا ولامن جيت من عندك صاد
ويـوم مـا جيت من عنـدك راجع كلى مواجع ونوح وسهاد
اتوكـيـتك حزن دامــس بـين خـلجات الـقـلـب الراد
واتـلفـته عـشان الـقاك فـرحـة زول بـي زولـوا العاد
وانا ماشى مبارى دريب الرجعه محطه محطه لقـيته رماد
حتة كنا وحـتة كان الــشوق وقاد
الاطـفال احـسـاس الوحده الآمال مـنشره سواد
لا لاقــيـت اطـفـال بــيـغــنوا لا اتـنيـن قاعدين يتمنوا
وادى الخـير مرابوا جـراد يـا احـلام الـقـلب الراد
واتـذكرتا انـا لـيالى الهجعه وخيال الشوق مشدوده شداد
غـيـبـتك كـان اسـبـاب وسـفـر الـطـيـف فى العـتمه جهاد
يـاما مـشـيـت فـوق دربـك اسـعى طول الليل شقيتلى بلاد
كم كـبـيـت فـوق دربـك دمـعـه واسـتـنـيـت طيفك ما عاد
واه يا زول اهـديـتو حـيـاه اهـديـتو عـيون ومروه وزاد
اه يا زول اهــديـتـو بـيـوت اديـتـو خيـوط شعرى الوقاد
لـو فـاضـل فـيـك مــن ريدى رماد
اطرحـلى وشـيك انا دايـر اجـيك لـيه بـابـك ساد
لـيه الأحزان لــيـه الآهـات والدمـعـة حــصاد
عبدالله التيت
23-12-2013, 10:16 PM
وعد الحبيبه
صديق احمد
عبدالله محمد خير

عديلـه عليـك مشـاويـرك عديـلـه
عديله إن كان قصيره إن كـان طوليـه

عديله عليك محـل مـا تمشـي تمشـي
يـا عديلـه أبقيلـو زي الغيمـه رشـي
أما أنـا الهامانـي راحتـك أول الشـي
ليـك تأمرنـي وعلـي أمـرك بمشـي

بس توعدنـي مـا طـول بيـك غيبـه
وعد من أنبـل حبيـب لأجمـل حبيبـه
فيـك شفـت الدنيـا قاصيهـا وقريبـه
ومنـك اتعلمـت كيـف أقـدر أجيـبـه

لا متين يا نومي فيـك رؤيـاي تصـدق
ولا متين يا شوق موالي قليبـي تحـرق
تاني جود باللقيـا يـا زمنـي المفـرق
وتاني يا اجمل صباح في عمري أشـرق

يا حلاة العُشرة وكتين تبقي صـح صـح
ويا حلاة الريده وكتيـن تصفـى تفـرح
يا حلاة ليلاً معـاك مـا درنـا يصبـح
ويا حلاة صبحاً معاك تكون إنت المصبح
في الربيع قالوا الزهـور تنضـر تفتـح
يا ربيع في حضنو كـم لفانـي وارتـح
صار يباب بستاني من غيـرك مكـردح
غير سموم في أم شير وغير أم شير تكتح

حبـك الخلانـي لـى زول مـا بجافـي
وحبـك العلمنـي أنظـم ليـك قـوافـي
حبك أكبر مهر لـي طهـري وعفافـي
آي بحبك وأصلـو حبـك زيـو مافـي
عبدالله التيت
27-12-2013, 10:51 PM
جن الريد
للشاعر علاء عبدالرحيم
غناء عبدالرحيم ارقي

أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
خشت فجأة أميمة حياتو وصارت بينو وبينا محبة
قلبو إختارها عشان معروفة زولة حنينة وراقية وطيبة
دسو الريد في السر بيناتُن وخلّو حبيس دفين ومخبا
وكيف تنضارى متل أشواقن وليه زي ريدُن يوم يتخبأ
وبعد أعوام وصلتلو رسالة جواب مليان تقيل ومعبا
قبال ما يفتحو عرف الراسل باينة وظاهرة رسائل وهبة
أخوهو الليهو زمن متغرب تسعة سنين قضاهن غربه
مرسل ليهو تذاكر وفيزا دايرو يجيهو هناك في طيبه
طار في الأول أحمد فرحه كلم كل الناس والصحبه
لما إتذكر أميمة حبيبتو فجأة إنتابو شعور بالخيبه
لكن قرر إنو يسافر سرعة يعود ويتم الخطبه
لأنو الغربه طريقه قصير وفيها يهون تحقيق الرغبه
جاتو اميمة حزينة توادعو جاتو تجفف دمعو الكبه
جاتو توصي عشان ما يقوى لا ينساها هناك في الغربه
جاتو تطمنو إنو ح يفضل ريده الخالد مهما غبه
حافظه عهود الريدة البينُن ومهما كان ح يظلو أحبه
أهدتلو المصحف شان يرعاهو من العين والهم والكربه
لبّسه عهد الريد في جيده عقد ممهور بصورة الكعبه
قامو إتوادعو زين إتباكو فات خلاها وحيدة وخبا
سافر شال همو وأحزانو بعد أيام في المملكة غبا
لاقو الناس يا زول كيف حالك بالأحضان قام سالم وهبه
قالو نصاح ناس أمي وأبويا مشتاقين راجنلك أوبة
قالو أحمد: سافر يا وهبه غير جوَّك وروِّق حبه
أمك ياخي تلاهي عليك لاخالالا ضريح لاقبه
السودان مشتاقلك كلو ضفاف ورمال سواقي وتربه
وحتى النيل فرحان راجيك تجي وتنهل من مويتو العذبه
بعد أيام كان وهبه هناك بين أصحابو وأهلو وأحبه
في حضن أمو الطول منو في حيشانو الواسعة الرحبه
قالتلو أمو أخوانك كبرو وما فضلنا زول يتربه
بس فضلي أشوفو جديدك وكتين لسع حيه وطيبه
إختارولو بنيي سميحي تشع حيويه ورونق وهيبه
أديبه وراقيه وكلها عفه وبرضو أهل وقراب في الحسبه
يوم العرس الحي صباحي فرح مطبوق والناس منطربه
شاق الليل صوت كم زغروده وحس طنبور ودليبن ربه
إلا في واحده حزينه وباكيه سايله دموعا دوام منسكبه
الفي دموعا سؤال بيحير وفي آهاته أسرار محتجبه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لي بلد الغربه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بي لهفه ورغبه
شاف قدامو الما متوقع هم الكون فوق راسو إنصبه
شاف السلسل عهد الريده نفس السلسل وصورة الكعبه
شاف قدامو أميمه حبيبتو كانت قاسيه وقاضيه الضربه
شاف أحلامو تضيع قدامو بعد ما كانت منو قريبه
كانت لحظه تفيض بالدهشه شاف الدنيا كأنها تسبح
كورك أميمه…أميمه وصنقع صنقع ودنقر.. ودّر وغبى
وجن أحمد في نفس اللحظه وجن الريـد ما أظن يتخبا
عبدالله التيت
06-01-2014, 12:49 PM
القلب الجريح
************
كلمات/ محمد سعيد دفع الله
***************
غناء/ النعام ادم
*************
القلب الجريح الديمه ينزف فى دماهو
اشرح لى بس ورينى ايه ذنبو الجناهو
حافظ لى زمان العشره ذاكر ما نساهو
وكيف تنساهو انت يا روحو ليه بتزيد شقاهو
كلما ا شرق صباح يا روحى قلبى يزيد عناهو
وانت القاسى ما راعيت كفاهو عذاب كفاهو
مره اطراهو انت طبيبو فيك يكمن شفاهو
ومن غيرك محال ينصح يطيب ويجد دواهو
ده الزول القبيل حباك فى جهلو وصباهو
ليه خليتو عاش وحدانى كيف اختر سواهو
بانى عليك حياتو قبيل و فاكرك كت معاهو
حرام تنساهو والله حرام تهد ماضى البناهو
اساهر الليل ويشهد لى نجمو الفى سماهو
وانوح حدى الصباح عينى النوم ماب تراهو
باكى الماضى ديمه بنوح حكيت فاقد جناهو
وين زولى الوسيم دلونى عيشتى جحيم بلاهو
حليلو ويا حليل الماضى فى ودو وصفاهو
وطريت برقو البشيل عبادى من تبسم سناهو
وفرعو البان رشيق يتنى مال هتف نداهو
وضميرو الزى جدى الغزلان بعيد ضارب خلاهو
ضلام الليل سبيبو سوادو مسدول فوق قفاهو
مهما طال عذابى انا برضى دايما فى رجاهو
عبدالله التيت
11-02-2014, 08:55 PM
خاتم المني
كلمات خالد الباشا
غناء محمد النصرى

الدنيا صح فراقة لكن القلوب يا الدنيا مداك الامان
وعشم المسافرين الرجوع لو ما كدي ماكان
في زول فات المكان
وانا لي حبيب يوم دار يسيب
قال لي قريب برجع عشان نبني البيوت
نرسم خطوط الضو علي طول المكان
يا الله وين خاتم المني
في رمشة العين الابت بالشوق تنوم القاك هنا
ارقد علي حضنك انوم تملاني ريد و املاك غنا
ما انت يابحر الشعاع الشمسو غابت من سنة
لسة بحمل قلبي نور اسرني يا عبق الهنا
يا القمرة وين السنسنة
لا حتي في طرق الشعاع المن زمان الفوقك بني
هي اقلب الصفحة العلي السما من هناك
مادام هنا
زولي البدي الدنيا نور ظلم رحيلو الامكنة
وتراهو ذي ما الطيف يمر
الليل يمر
اليوم يمر
والعام يمر
وانا في الدريب الفت بيهو الم اثر قدمك واصر
ارجي المسافرين وانشدن
هوي في المدن ما شفتو زول شايل بشاشات الفجر
مزج الصباحات بالمغيب ولون خدودو من العصر
واه يا بيوت
لا دق باب لا فات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس انشرة في الوديان سكوت
يا الله يوم كدي بالنهار فرح المواسم نفرعو
صوت القطارات من بعيد فوق الفلنكات نسمعو
اشواقنا والناس الزمان وكل المسافرين يرجعو
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو
عبدالله التيت
23-02-2014, 08:32 PM
المن الله واصل
كلمات الأستاذ: إبراهيم ابنعوف

أبـكـى إنـتـى وأنــا اللإتبـكـى الـمـن الله واصـــل
إيه فى إيدنـا غيـر مـا نبكـى نحكـى البينـا حاصـل
تعذبـنـى وتهـيَّـج نـــارى قـولــة مـــاك مـواصــل
إنتى ما عارفة السبـب مـن أهلـك .. الباقيـن عـوازل
كاسو فراقنـا وبـس دايرنـى أحيـا غريـب وهامـل
وأنـا أرحـم لـىْ فـراق الدنيـا مـن عينيهـو سـاهـل
أريتن عرفو روحى بلاكـى روضـاً زهـرو زابـل
مــن تلـقـاك تـفـرهـد تـانــى زى الـصـابـا وابـــل
تلاقـى الفـرحـة فــى عينيـكـى لـلأشـواق تـغـازل
فـوق جـدول أمـل يتجـارى يـروى الريـد مشـاتـل
تـسـألـى بالبسـيـمـة التـايـهـا كــيــف بالله عــامــل
أخاف حزنك وأخبى البى معاكى أضحك وأجامل
عمـرى العشتـو كلـو وراكـى بـى أحزانـو حافـل
لـكـن الصـبـر يــا روحـــى كـــل الفـيـهـا زايـــل
زى مـا إنتـى تسألـى عنِّـى عـنِّـك بـرضـو سـائـل
وصورتك عايشة فى وجدانـى طالـع وبيهـا نـازل
ألقـاك فـى الصبَّـاح وإشراقـو فــى نـغـم البـلابـل
فـى كلـمـات كتبتـهـا ليـكـى تــب مــا قــالا قـايـل
لو بقدر أسيبك وأمشـى مـا أصبـح جسمـى ناحـل
ولا بـاريـتَّ درب الـريــد ودرب الـريــدة قـاتــل
ولا شقَّـتْ مراكـب آمالـى بقيـدا أنـا لـسـة واحــل
ولا أمسيـتَّ أنـادى دموعـى والليـل نجمـو راحـل
هـم دايريـن يفـرقـو قليـبـى شـافـو عليـكـى مـايـل
منـو الفيهـم يفـرق النسـمـة مــن زهــر الخمـايـل
مهـمـا أشـقـى أضــوق الـمُـرَّة ولـلأهـوال أقـابـل
أبداً يا كتـاب حبـى المقـدس عنـدى مابيقراكـا جاهـل
عبدالله التيت
10-03-2014, 11:19 PM
مُنادي الشوق

السر عثمان الطيب

مُنادي الشوق ينادي داير أرجع لي بلادي

أحكي للطيبين وأغني أنسى ألامي وسُهادي

أصلي ما كان في مُرادي يوم أفارق داري غادي

أهجُر الأوطان وأسافر بالسنين يبقى إبتعادي

بلدي طيبة وما بتعادي وفي الكرم غنالها شادي

دوزن الألحان وأبدع راح يطوف كل البوادي

حبي ليها وريدها زادي شايلو في عيوني وفؤادي

ليها برسل كل حروفي ودمعة الأشواق مدادي

شوقي ليها ولي ضِفافها وطهرها ونورا وعفافا

سلسبيل نيلها البيجري بالسنين خدّر جفافا

أي زول لو مرة شافها زاهية في حُلة زفافا

تاني يحلم ما يفوتا لو زمان الوصل صافَ

شوقي لي ذرات ترابها ولي سهولها ولي هِضابا

زهرة الياسمين تضاحك خُضرة الصفصاف في غابا

طفلة من الزاندي دابا عنفوان القاش شبابا

راقصت في عبري رنة حلوة من وتر الربابة

شوقي ليها ولي نعيما وفوقنا دايماً راشة غيمة

روحي من الغربة ضاقت دايرة ترجع لي قديمة

كل ما نطرى بلدنا ديمة تنهمر دمعات أليمة

نحن إخلاصنا ووفانا لي بلدنا بقالنا شيمة
عبدالله التيت
16-03-2014, 10:19 PM
كلمات / محمد المهدي حامد
غناء/ محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم
عبدالله التيت
29-03-2014, 10:42 PM
حد العشق
كلمات : أزهري محمد علي
غناء والحان : ودالنصرى

يا مالي عينَى باليقين
ماليني لحد العشق
لمتين بتتوارى وتبين
لا تصفا لا يوم نتفق

أنا كل ما أعتب عليك
من شوقي بالشوق بَنحرِق
يسبقني درويش الغرام
والقاهو فى ريدك غِرق
أمرق من الوهج العَلَىْ
و ادخل عليك زى البرق
تدخل مِتِل ضُل الضحى
وبالراحة تمرق منسرق

فاض الحنين والريد بحر
و أشواقي من شوقك فرق
فرق المشاعر الما نِسَت
قدر الحبيب
لا شمّتت فيهو الخَلِق
فرق الحنين
من زول بريدك بى صِدِق
كل ما طِراك
بالفرحه يشهق و ينشرق
و إنت الهناك
لا حنَ قلبك لا شِفِق

لو توهك وهم الظنون
من ياتو سكه بتتلحق
وياتو عشرة تهون عليك
لا تسوى لا يوم تستحق
وانا ماحدقتك من زمان
كان اصلو هو الريد بالحدق

امرق هداك باب المروق
لو مرة نقدر نفترق
وادخل بدسك فى العروق
ما أصلو دساس العرق
يا مالى عينى باليقين
ومالينى لحد العشق
عبدالله التيت
27-04-2014, 01:58 PM
ﺍﻟﻨﺴﺎﺋﻢ
الشاعر سيد احمد عبد الحميد
غناء محمد النصرى

لا غشت النسائم روضنا لا فتحت أزهار
لا حام الفراش في صباحو لا غازل النوّار
لا عادت ليالي غرامنا لا غنت الاطيار
آآه يااااا خوالي ايامي يا موعد الاحـرار
يا لحظات عشقنا السامي وينك ياصفا الانهار
ياساعة شقاي والامي ليشن جيتي غير انذار
لكن إلا لي مين اشكي واحكي انا قسوة الاقدار
غير الله الخلق أيامو سبع ليالي سبع نهار
يا قمر البوادي احكيلك نجمك وانت كنت شهود
كم ناجيت كمل ليلي ناحل والجسيم مورود
يجفاني الحبيب غير سِبّة كان فرقة المريود
آه ياااشقى ايامي وقسوة الاقدار
يا أصحابي ليكم بحكي بحكيلكم غرامنا الكان
كم نقعد سوي ونتناجا لامن نسمع الاذان
نـوثــــق لي عهودنا قسمنا ايدنا واعظم الايمان
مستقبلنا شيدناه ساسو وفاء سياجو حنان
ماعارفين رهود ألآمنا جاي من دردر الاحزان
آآه يا شقـــــا ايـامي وقسـوة الاقـدار
غافر برضي لي محبوبي يسعد ياهو كل مناي
يرفل في نعيم الدنيا اعيش انا في محيط مأساي
مايهمك عشيشنا البدري يومو الوصلتو الهبباي
هائم كل عزاي طمبوري بلهـج ولى الجمال غناي
ياما في الغرام في مظالمة محرومين وماني براي
عبدالله التيت
26-08-2014, 09:38 PM
طيور الهجـرة
كلمات: مدني النخلي
لحن وغناء: محمد النصـري

صلت وقالت يا الله وين ولدي
ناديت وقت يا يمه وين بلدي
ولا الغربه الكفت قلبي تغرس فيهو نشابا
وما انتي البقولو عليك بتعرف زوله تتغابا
تطول او تقصر الايام دروب الرجعه جيابا
وطيور الهجرة مهما تغيب مصيرا تلاقي اسرابا
بلدي السكـــــن فني
همـــــــي العبر ظني
روحي التكــوس عني
قلبي الوقــــــــــع مني
حلمآ يراودني شتلاتو اخضرت
غيماتو رمت الضل في جدبو انشرن
بلدآ قدر ما طــــوف
عينك قدر ما تشوف
بي مرها تريدا بي حلوها تريدا
حتحت غناي الريد في الغربه تنهيده
ناديت فتر صبري قسمتو في الاحزان
كايس نهورن جيت همآ كسبني رهان
ادرش دريش الجن من ندهة الاذان
كملتو عمري رحيل طال المطول والان
الان ما اضحي بالامكان فرحآ بلاهن يتم
ياستره وينيك لي كسري وجدار وهدم
درب الرجوع انسد حلمي البكوسلو حلم
عبدالله التيت
10-09-2014, 09:58 PM
شفتِك انتي
كلمات الشاعر / سيف الدين محمد الامين
اداء :مرغنى النجار

شفتشك انتي ، إنتي بى ذاتك وصفاتك
وفيك شفتَ النيل بيجري وموجو كاسح
وصوتو يهمس ، وليْ يوشوش ، ويعزف الألحان يصافح
ومن صفا ناسنا البَساطا ن عدّ شال كل الملامح
وعدّ كاسح
وبى عيوني انا فيه سابح
وعقلي فات جواهو سارح
وما قدرتَ يمين أبارح
فجأة بى جمبي اتلفتَّ ،، وشفتك انتي
وفيكي شفتَ القيفة رابضي وفوقا متكابي الخدار
لوبي تابر خاتي تب قولة صفار
مال يهبهب كلّ ما جاهو النسيم بى فوقو مار
والجزيري ،، وحِس طويري ، وناس كُتار
جوّة غاتسين في الخدار
ناس يحشّوا ، وداكا يقرع ،، وديكي تزرع ،، وموية في انضر مسار
وحِسّ اهلْنا ن جوة في نص الجزيري
زي نغم أوتار يدندن ، مازج النيل والنضار

الجروف ، وطينا داك ، والعرق وكتين يصبصب
من جبين زولاً مكافح قلبو حار طوالي يلهِب
وبرضو في اعلاهو بسمة غاسلة لى كل البيتعِب
وحوض ملان بالمويي كاس ، جاري يحلب
ويجري يسرع ،، سدّ مويتو قعد يهبهِب

وانتي ذاتك واقفة شامخة
وفيك شايف كل صورة ، وروق نخيل مرصوص كتير
وداكا في النخلات يقفِّز وجاري بى تحتو الحفير
وقش مشتّت من حُمارة غادي فوق درب الحمير
والسبايق ،، والسواقي ،، ومنقة بذرة وكشتنير
والجداول ،، وبرتكان مدَّلِّي نازل
والقِرِفتِن شثدرو شايل ، وفرعو مايل
متكي فوق درب السويقي ،، وفي المشاتل
نقْلو راقد كم جحافل
وماشي سادر ،، شفتَ قدّامي المحافل
البراسيم والأناقي وقُمري راحل

والحَرازي ،، وطير يوجوج فوقا شادي
وقايمي من تالاها دومي شويي غادي
وشُفّعاً جارين يوركوا وأُم تنادي
لى وِليدا الجاري غادي
كان مع الجنُّون بيلعب وطبعو هادي
بس هي شفقَت لا يقوم يدقسلو وادي
وباقي بى جاي ليهو بير ، خايفي لا يهبر عليها

واتلفتّ على قفايا ،، وبى ورايا ،، شفتَ آية
وشفتَ بير حاج طه جمبها كم صفايح رايحة جايا
وناس مع الجيزان يتاتوا ، وللكفاح مرفوعة راية
والبداية ،، لحظة بس صِبحت نهاية
وقمتَ مليان بى اسايا
كنت بحلم في منامي وكُت برايا
كنتَ بحلم ،، وكل يوم يا ريتني أحلم
بس اشوف أهلي الحبايب
وفي بُعادُن وفي غيابُن ، عمري يا ريت كلو نوم
عبدالله التيت
15-09-2014, 08:58 PM
رفيق النسمة
للشاعر : خالد شقورى
لحن وغناء : محمد النصرى

رفيق النسمة في جمة مقيلو
رهييف والحنان نفحة خميلو
وكت يبسم تقول الدنيا هيلو
وكان طلب النجم بسراع يجيلو
***
افجلو في براح الحن واشيلو
ومنو وليهو احردو واشتكيلو
حروف الشوق براها بتتحكيلو
وماشفتو الوجع ساعة رحيلو
***
اسامر طيفو واصحى مع هديلو
واصحي أم طوق أقولها انصيتلو
تقول لي الوافي مافي نغم متيلو
وفاق في سجعو للطربان نخيلو
***
وبطراهو الزمان انا كت دليلو
وكنت بقاسمو دمعاتو البسيلو
أنادي الفرحه من وين وين تجيلو
وأقول الحسره اوعى تقربيلو
***
التقول الطيبة راوي جروفها نيلو
والتقول القمري من ما قام خليلو
واريتو الحال معاهو يتم جميلو
واشوف الراسي يقدل فوق عديلو
محمد عبد المطلب محمد
15-09-2014, 09:19 PM
هذا التيت هو من يقاتل
لم يغب يوما
يطوف بنا الدنيا
ونحن ها هنا
شكرا عبد الله
عبدالله التيت
15-10-2014, 07:59 PM
هذا التيت هو من يقاتل
لم يغب يوما
يطوف بنا الدنيا
ونحن ها هنا
شكرا عبد الله
لك الشكر حبيبنا محمد طلب
وانت كذلك لم تغيب يوماً ،،،، مع التحية
عبدالله التيت
15-10-2014, 08:01 PM
السرة بت عوض الكريم (1)

محمد الحسن سالم حميد

جات داخلة ذي مرقة غضب من جوف حليم في زمن صعب
رمت السلام ذي شنطة من كتف المسافر بي تعب
زي ردخة رب .. الله يارب
قعدت علي طرف العنيقريب المحازي الواطة
ضايرت تراب ، كسر العويش الفوقو ..
شالت باصبعا وشختت شخيت
الله يا رب
عايننا فيها نكوس سبب للكفرنة وفورة الزهج
من دروة البال الوهيط
ما عودتنا تدس عوج .. تكتم فرح زي حالة الزول البسيط
صنقعتلنا في قعدتنا راجعت الوشوش
دنقرنا عن رفعة وشيها المتعب الجاد الرحيم
الطيب السمح المعافي ..
رهاب رهاب ينشاف وسيم
انوهطت فوق العنيقريب القديم
من تاني ضايرة التراب ..كسر العويش الفوقو ..
شالت وشختت شخيت
وقالت : تصدقو آ ولادي بقيت
ابيت الليل افكر في التميرات
القدر فوق راس ما خمت صبيط
غلبا الجرورة الفوق ضهرنا تنزلا
تطلق وشينا مع الجماعة
شن دهانا دي كم سنين والحال وقف قط
وحلف ما فيهو لو نقاط بسيط
كان بوشنا في حش التمور ..
الليلي دشنا مع اللقيط
أي لا حكت دى ولا بقت ..
ما كنا قايلين في حياتنا يجينا أقسي من المضي
ساعة مروق الإنجليز قلنا الظلم فات وانقضي
تاريهو كمتر .. وقام دقون ..
حلفا وعشر .. معيوقة نال
دمسيس .. ضريسا .. وشوك جمال
الله يا كربك كرب
عاولي التمور .. الواطة بور .. الناس حطب
بابور شهور غلبان يدور ..
ما فيش مطور .. ويجيك بعد ده علم طلب
الله يارب العالمين
الما جحدنا نعمتو في الشوف والسمع
راحة الولادة ولا قلوبنا قسن ولاغيــرنا دين
في الجابو ما قصر حمد ..
في الشالو ما قلنالو وين ما شيبو وين
عدلت نعال مقلوبة في الجبهة اليمين حدرت شمال
زمنا مو دا الحيكومة كانت بت حلال
بي حالاً .. بي حرب الجنوب
بي قلة المال في الجيوب
كانت رخية العيشي .. إلا تري العوين الكبرو ..
كبرو مليسين
علمن يطير .. إن كان هو ما فدر عوج
ما فدنا شئ ومحق القبيل لمينا هين .. في هين .. في .. هين
يا حليل رجالاً سكتُن غدرا غشاهن غشاهن بالقفا ..
ولي الليلة سيفن في الجراب يهرج سنين
دا زمن قواسى .. زمن ضلالة .. اونطجية ..
زمن حقارة .. زمن مهين
لا قين هواكن ضروا .. ضر .. يا عسكرياً ما انتعظ ..
كتل الرقاب بيودي وين
ضر .. يا جلاليباً رهاف .. ذمماً خفاف ..
ضر يا ضرر .. ضر .. يا دقين
منصلبطين عرق النبي .. وبالنار بتلعبوا يا عوين
لي الحول قريب .. درب السلامة ..
تخوجوا بي درب الحرب
غتي قلب واللا الحرب .. بقرة حلب .. والأرض حين
ما كان عمل ما كان دا دين
يا أرزقية تخمجوا دم .. والدم مو موية .. ومانا طين
منصلطين في الناس دحين ..
لا من يجي اليوم الفصل والحق يبين
وين تمشوا وين تنسلوا وين
كان طال وكان قصر الزمان .. الحين بحين
كب يا رجالاً .. سكتن غدرا غشاهن ……
وإنأوهت .. وحسيت بأعماق الشوارع
والتواريخ المجيدة إنأوهت وأدتني عين
صنت شويتين .. كوركت ..
هيي يا بنية وكتنا راح يا بت شمسنا
إدهدهت
شوفيلي شافع ود فطين جاء من الطحين
الله فترنا من الطحين
وكان الوقت زالف عصر ..
عين الشمس مشغولة بي دوشة سحاب
عرق المراكبية البعاد راحل مع ريحة التساب
ما تدري ما رقي من البيوت الحلة ..
واللا من التراب
الناس تقول مدقوقة طالعة علي الحقاب
مفلوقة بي حجر الصعاب المرة ..
نازلة علي البحر مشروقة بي موية السراب
الفره .. مشنوقة عقاب .. بالمره من كتر العذاب
الحرة في طايوقه داب
يا المرة كيف بقت الرقاب مسيوقة بي قيد السلاب
منشرة من نشر الحجاب في عروقا .. إشتد الخراب
من بعد ما انبلج الفرج من ضيقا ..
خدعوها بي حيلة كتاب
رفعوه فوق سن الحراب
ودهت الهزائم خلقتا
فالناس بدل عن نقتا التلقي فكة ريقتا
وبدل القصور الفي الخيال .. التبقي ماهلة كريقتا
وما جاتا راحة طلقتا .. إلا التعمر طلقتا
بي بندقيتاً حقتا .. بي ها الشوارع وبقتا
تنسدا منك دقتا .. ودم فلقتا .. ومر شرقتا .. ونار شنقتا
يا دقن دينك سرقتا
قطعت وضوها انشرقت .. مسحت وشيها إنشهقت
قالت نست ما تاكت العوضة التحت .. عن مرقتا
دارت تقوم .. مسك العنقريب الحنين طرقتا
رجفت بشيش عن نتقتا
رجفت بشيش من الغضب واللا التعب .. فتر السنين
واللا الكبر دا الما قدر يمسح سماحة خلقتا
زي نيتا البيضة الشعر ..
وزي موج بحر كان الجبين
مديت يميني أساعدا..
ردت يسارا تباعدا
وقالت لي : أبوي وفر ضراعك للبلد
وادخر مروتك آ ولد لي يوم بحين
احفض كرامتك تحفضك ..
الموت ولا العيش المهين
الموت نفاد الما نفد .. الموت حياة الميتين
اختاها جنة مع الفقر .. وادخل جحيم المتعبين
وإن ما قدرت علي دا أبوي .. رب لك دقين
وصنت .. ربيلك دقين
وضحكت .. حمدنالله الحنون ..
جيدا خلقنا بلا دقون
وضحكنا زين
ساقت حديثا .. علي الخراب الشوفتو ما داير
إلا عين عقب متاقانا الرياح
رفعت قران شوك الصنط ..
ساسوية جاية من المراح
يا خيري ودي المستراح
والشوكة تحت الدوكة .. يا داك الركين
الشوك بمرق الشوك .. شوكاً فينا شين
مراقو رب العزة .. شعباً ما بلين
الجاي حيكومتنا .. لكن الزمن دبوية ..
داير النهمة .. وينكم يا الخزين
ما قل حاشي صبرنا .. لكن لا متين
دعكت عيونا وصنقعت ..
كان الغيوم انجمعت تقلت علي الريح النصيح
كان المطور شو ترعت ..
زي باكي فوق دم الحسين
لكن ده وين .. والتاني وين
وإتلوعت .. معقول في ناساً ما وعت
لي الليلي بالم .. بين وبين
كيف وإنتو نوحنا من الدعت ..
موجنا من حجر الدقون
الكاكي يلدغ مرتين
والثالثة قرصة أبو الحصين
حسيت بأنها دمعت .. وشهقت عيونا الدمعتين
حسيت بأني متل حجر .. جدعوهو في نص البحر ..
قام البحر بني فوقو طين
حسيت بأعماق الشوارع .. التواريخ البعيد إنأوهت ..
وأدتني عين
الجاي حيكزمتنا .. كيف ومتين .. ووين؟
ومرقت مثل دخلة غضب ..
صدر المسامح والحليم
في |أيام عجاف
دي السرة بت عوض الكريم
مره ما بتلاوز .. لا بتخاف .. زي الضفاف
الما بتهاب ضنب التماسيح والكلاب ..
قومة البحر واللا الجفاف
مره من قديم .. مره بت قبائل .. قالوا لا لا ..
وإختاروا في الحق الجحيم
من رفقة الغسل الخلا .. وكانت نعم تدي النعيم
مره من صميم ضهر الغلابة الما بتنكس راسا ..
غير ساعة الصلاة
أو ترمي تيراب في التراب .. أو تستشف وجه السديم
السرة بت عوض الكريم
ما فيها من عادة حريم ..
غير السماحة القدمت قدم الضهب حافضنو
في حقاً قديم
في أقصي كيم
ما فيها من طبع الرجال ..
غير الأيادي الخشنة زي قولة النصيحة وقت
يكدب في الصميم
ساعة يكون الحكم ضيم
تسعين سنة .. والسرة بت عوض الكريم
بصرك بصير .. سمعك سميع .. نضمك نضيم
بالك محلو صبي وسليم
تسعين سنة .. عودك أمداً ما انحني ..
شامخ بلا البان القديم
تسعين سنة .. ومن فتنتك .. استغفر الله العظيم
جوك الرجال يا السرة بت عوض الكريم من وين وين
لا الكلو طين أغراك .. لا السمح الوسيم
آ السرة صددتي المشايخ والعمد .. مرسالا ليك
عبدالله التيت
11-01-2015, 12:07 PM
عـــرس الزمــــن

الشاعر : ابراهيم أبنعوف
غناء: مرتضي العفاض

أحفظنا من عرس الزمن وأسترنا يا سابل الستر
اقتنعو بالشيء القليل خلو البنات يعرسن
×××××
وحدين يجوك من الخليج من الأمارات والكويت
شنطاً ملاني من الهدوم وزع يمين ما خلا بيت
إذكر الناس البعاد خايف الملامات وإن نسيت
الليلة بالزين والعديل ويا عريسنا اليلة جيت
×××××
الشيلة بالشنط الكبار وأرياحو جاهزة معلبة
برضوا الكريمات والعطور بي صفحة راقدي مرتبة
بعد العرس مسك القلم جمع الحسابات ضربة
لقي نفسو غرقان في الديون ضهرو إتردم لمن أب
×××××
لملم قروشو حصاد سنين في لحظة في اسبوع ضيعة
قبال تتم شهر العسل لي أبوها هي رجعي
بدل النعيم جاها الجحيم ومن المهازل شبعه
سمعوهو روح للمطار ساعة السفر ما ودعي
×××××
ولد البلد حرس الوطن تربال وإيدو مشققة
وقام الصباح شايل الفطور أظن كسيري مطبقة
زرع المريق حصد القمح بي همة ما ها ملفقة
في لحظة حدد للعرس حصر المسافة وقربة
×××××
جمع البلد في الدعوة يوم والدعوة ذا…